Lífið

Gunnlaugur Sigfússon barnahjartalæknir hlaut Míuverðlaunin

Sylvía Rut Sigfúsdóttir skrifar
Ásmundur Einar Daðason félags- og barnamálaráðherra, Gunnlaugur Sigfússon barnahjartalæknir og Auður Gunnur hönnuður Míuverðlaungripsins.
Ásmundur Einar Daðason félags- og barnamálaráðherra, Gunnlaugur Sigfússon barnahjartalæknir og Auður Gunnur hönnuður Míuverðlaungripsins. Rakel Ósk Sigurðardóttir

Míuverðlaunin voru afhent í annað sinn í gær við hátíðlega athöfn í Cava salnum. 42 heilbrigðisstarfsmenn sem vinna með langveikum börnum voru heiðraðir á viðburðinum.

„Míuverðlaunin eru verðlaun til að heiðra þá sem koma að þjónustu langveikra barna á einn eða annan hátt. Einhver sem hefur hjálpað eða stutt við þig og þína fjölskyldu á erfiðum tíma. Það sem þeim finnst vera „bara vinnan sín“ getur skipt sköpum fyrir aðstandendur langveikra barna og börnin sjálf. Hægt er að tilnefna heilbrigðisstarfsmann í hvaða starfsstétt sem er, hvar á landinu sem er,“ segir í tilkynningu um verðlaunin. 

Birna Ríkey Stefánsdóttir, Björg Kristjánsdóttir, Brynja Jónsdóttir, Brynja Kristín Þórarinsdóttir, Cheila Vanessa S. Santos, Dagbjört Eriksdóttir, Davíð Ottó Arnar, Elísabet Ósk Ögmundsdóttir, Erla Ösp Heiðarsdóttir, Gerða Friðriksdóttir, Guðný Hannesdóttir, Guðrún Ágústa Brandsdóttir, Guðrún Jónsdóttir, Guðrún Þórðardóttir, Gunnlaugur Sigfússon, Gylfi Óskarsson, Helga Jónasdóttir, Kristján Hauksson, Ingólfur Rögnvaldsson, Jón Kristinsson, Rannveig Traustadóttir, Rósa Guðsteinsdóttir, Sigrún María Guðlaugsdóttir, Sigurður Sverrir Stephensen, Þórður Þórkelsson og Valtýr Stefánsson Thors. Með þeim eru Þórunn Eva G. Pálsdóttir og Fríða Björk Arnardóttir sem standa að baki verðlaununum. Rakel Ósk Sigurðardóttir

42 heilbrigðisstarfsmenn voru heiðraðir og var yndislegt að sjá hversu mikið þakklæti lá í loftinu.  Gunnlaugur Sigfússon, barnahjartalæknir á Barnaspítala Hringsins, hlaut svo Míuverðlaunin að þessu sinni.  

Ásmundur Einar Daðason afhenti Gunnlaugi Sigfússyni Míuverðlaunin.Rakel Ósk Sigurðardóttir

Ásmundur Einar Daðason barna- og Félagsmálaráðherra afhenti honum Míuverðlaunin ásamt Auði Gunni listakonu hjá AG keramik sem hannaði verðlaunagripinn. Keramikvasann prýðir fallegan texta úr bókinni Mía fær lyfjabrunn. „Það er hægt að vera hugrakkur þótt maður sé hræddur.“

„Það er hægt að vera hugrakkur þótt maður sé hræddur“ er skrifað á vasann. Rakel Ósk Sigurðardóttir

Í ræðu um Gunnlaug, sem oftast er kallaður Gulli, kom fram að hann byrjaði upphaflega í sagnfræði í Háskóla Íslands en skipti yfir í læknisfræði eftir eitt ár. Hann var kandídat á Fjórðungssjúkrahúsinu á Akureyri í eitt ár og vann síðan rúmt ár á Landspítalanum áður en hann hélt út í nám. 

Gulli var í sjö ár í Bandaríkjunum í námi, fyrst barnalækningar og síðan barnahjartalæknisfræði og fósturhjartalæknisfræði. Hann hóf svo störf á Barnaspítala Hringsins árið 1997 og starfaði þar ásamt því að reka eigin stofu. Hann starfaði einnig á Karolínska sjúkrahúsinu í Stokkhólmi. Hann starfar á Barnaspítala Hringsins í dag og er einnig með stofu á Domus Medica. 

Gulli ætlaði upprunalega að verða sagnfræðingur. Rakel Ósk Sigurðardóttir

Míuverðlaunin eru hluti af félagi sem ber nafnið Mia Magic og er stofnað af Þórunni Evu G. Pálsdóttur eftir að hún gaf út bókina Mía fær Lyfjabrunn. Fríða Björk Arnardóttir kom svo inn í verkefnið og bjuggu þær stöllur til Míuverðlaunin. Þau voru afhent í fyrsta skipti í apríl á þessu ári eins og fjallað var um hér á Vísi. 

Sylvía Friðjónsdóttir var veislustjóri og kynnir kvöldsins.Rakel Ósk Sigurðardóttir

Innsti kjarni heilbrigðisstarfsfólks sem sinnir langveikum börnum mætti á viðburðinn í gær. Hópurinn sinnir þessum börnum af einskærri alúð og gefa þau öll sem eitt allt hjarta sitt til starfsins eins og fram kom í ræðum kvöldsins. 

Það var einstakt andrúmsloft í Cava salnum í gær þegar einstaklingar sem starfa með langveikum börnum voru heiðraðir. Rakel Ósk Sigurðardóttir

Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.