Í dag og á morgun fer fram málþingið „Á vakt fyrir Ísland“, sem Landssamband slökkviliðs- og sjúkraflutningamanna stendur fyrir. Á dagskrá eru ýmis erindi sem tengjast störfum slökkviliðs- og sjúkraflutningamanna og umfjöllun um nokkur af stærri verkefnum þeirra síðasta ár.
Verður meðal annars fjallað um eldsvoðann á Bræðraborgarstíg og árásina í Borgarholtsskóla.
Þá verða haldnir fyrirlestrar um geislaatvik, meðferð skot- og hnífaáverka, ofkælingu og erfið atvik, svo eitthvað sé nefnt.
Dagskrá málþingsins má finna hér.
