Þetta eru 75 bestu leikmenn í sögu NBA: Er þitt uppáhald á listanum?

Það eru 25 ár síðan að NBA valdi fimmtíu bestu NBA leikmenn sögunnar en það gerðist á miklu afmælisári 1996. 47 og 50 leikmönnum sem fengu þá miklu viðurkenningu voru á staðnum þegar þeir voru heiðraðir á Stjörnuleiknum í Cleveland 1997.

Að þessu sinni var allur 75 manna listinn kynntur á fyrstu þremur kvöldum NBA tímabilsins en þeir sem stóðu að valinu voru meðlimir úrvalsnefndar sem var skipuð fjölmiðlamönnum, fyrrum og núverandi leikmönnum, þjálfurum, framkvæmdastjórum og yfirmönnum liða.

Í raun urðu leikmennirnir á endanum 76 því það voru menn jafnir í kosningunni.

Svona val er alltaf umdeilt og það eru nokkur nöfn sem sumir sakna á listanum. Það hafa verið nefndir leikmenn eins og Tony Parker, Klay Thompson, Adrian Dantley, Dwight Howard, Tracy McGrady, Dikembe Mutombo, Manu Ginobili, Kyrie Irving og Vince Carter en það er væri líka mjög erfitt að taka einhverja út fyrir þá.

Fleiri nöfn utan hópsins eru menn eins og Damian Lillard, Bob Lanier, Chris Mullin, Pau Gasol, Draymond Green, Grant Hill, Nikola Jokic, Chris Bosh, Alex English og Bernard King.