Lífið

Sonur Emm­sjé Gauta stal senunni og hljóð­nemanum

Árni Sæberg skrifar
Syni Emmsjé Gauta kippir greinilega í kynið þegar kemur að sviðsframkomu.
Syni Emmsjé Gauta kippir greinilega í kynið þegar kemur að sviðsframkomu. Stöð 2

Emmsjé Gauti flutti lagið Tossi af plötunni Mold af mikilli innlifun í söfnunarþætti Píeta samtakanna, Sagan þín er ekki búin, á Stöð 2 í kvöld. Þrátt fyrir góðan flutning Gauta Þeys var það rétt rúmlega tveggja ára gamall sonur hans sem stal senunni.

Fyrr í kvöld fór fram söfnunarátak fyrir Píeta samtökin í beinni útsendingu. Í þættinum heyrðum við sögur einstaklinga sem hafa upplifað sjáfsvígshugsanir og jafnvel reynt að taka eigið líf. 

Við heyrðum reynslusögur ástvina af missi og kynnumst því göfuga starfi sem fer fram hjá Píeta samtökunum. Einnig fluttu þau GDRN og Emmsjé Gauti tónlistaratriði. 

Safnað var fyrir nýju húsnæði fyrir Píeta í þættinum. Söfnunarnúmerin til að hringja í og styrkja átakið, má sjá hér fyrir neðan.

907-1501 fyrir 1.000 krónur

907-1503 fyrir 3.000 krónur 

907-1505 fyrir 5.000 krónur

Reikningsnúmer samtakanna fyrir frjáls framlög 0301-26-041041, Kt: 410416-0690

Atriði Emmsjé Gauta má sjá í spilaranum hér að neðan.

Atriðið vakti mikla athygli fyrir þær sakir að sonur hans og Jovönu Schally unnustu hans tók virkan þátt í atriðinu. Hann er einungis tveggja ára gamall en hann fæddist á þjóðhátíðardaginn árið 2019. 

Vert er að taka fram að í þessari grein er fjallað um sjálfsvígshugsanir. Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan pieta.is.






Fleiri fréttir

Sjá meira


×