Þessar tillögur urðu fyrir vali Reykvíkinga í íbúakosningunni Hverfið mitt

Hallgerður Kolbrún E. Jónsdóttir skrifar 14. október 2021 16:42

Pétanque-völlur var settur í Gufunes eftir að íbúar í Reykjavík völdu hann í kosningunni Hverfið mitt. Reykjavíkurborg

Niðurstöður úr íbúakosningunni Hverfið mitt liggja nú fyrir en metþátttaka var í kosningunni í ár. Þegar kosningunni lauk á hádegi var kosningaþátttakan rúm 16 prósent.

Hugmyndir sem íbúar Reykjavíkurborgar gátu valið um voru 277 talsins, bæði stórar og smáar en 111 þeirra hlutu kosningu og verða framkvæmdar. Öll hverfi Reykjavíkur slógu sín þátttökumet en mesta þátttakan var á Kjalarnesi en þar á eftir komu Árbær og Norðlingaholt.

Þátttaka Reykvíkinga í kosningunni hefur aldrei verið meiri.Reykjavíkurborg

Verkefnið Hverfið mitt hefur notið vaxandi fylgis síðustu ár og þróast í takt við ábendingar frá borgarbúum og víða úr borgarkerfinu sjálfu. Alls tóku 18.389 íbúar þátt í kosningurinn í ár en á kjörskrá voru 112.306 Reykvíkingar.

„Við viljum þakka borgarbúum fyrir að taka þátt í kosningunni, og leggja sitt af mörkum í átt að auknu íbúalýðræði. Það er það sem þetta gengur allt út á að stuðla að betri hverfum með innsýn og aðkomu borgarbúa“ segir Eiríkur Búi Halldórsson, verkefnastjóri.

Þátttaka íbúa milli ára hefur aukist gífurlega í íbúakosningunni Hverfið mitt.Reykjavíkurborg

Hér að neðan má sjá lista yfir þær tillögur sem voru valdar í hverju hverfi fyrir sig:

Árbær og Norðlingaholt

Ævintýra og útivistarsvæði við Rauðavatn
Fleiri bekki og ruslatunnur á völdum stöðum í hverfinu
Ærslabelgur í Árbæjarhverfi
Infrarauðir saunaklefar í Árbæjarlaug
Vaðlaug í Árbæjarlaug
Jólaþorp á Árbæjarsafni
Gróðursetja fleiri tré í Norðlingaholti
Ærslabelgur í Norðlingaholti
Grænt leiksvæði og æfingatæki í Norðlingaholti

Breiðholt

Jólaljós í tré milli Efra- og Neðra Breiðholts
Nýjar ruslatunnur í hverfið
Bætt lýsing á völdum stöðum í hverfinu
Jólaljós við Seljatjörn
Ærslabelgur í Seljahverfi
Gróðursetja fleiri tré á völdum stöðum í Breiðholti
Fleiri bekki í hverfið
Þrekstigi úr Neðra Breiðholti upp í Efra Breiðholt
Trampólíngarður
Ærslabelgur í Efra Breiðholti
Trjá- og gróðursöfn víðsvegar um hverfið
Áningarstaður í Elliðaárdal
Vatnspóstar á valda staði í hverfinu
Fegra umhverfi í Bakkahverfi og Stekkjahverfi
Ærslabelgur í Neðra Breiðholt
Útiborðtennisborð

Grafarholt og Úlfarsárdalur

Ærslabelgur í Leirdal
Gróðursetja fleiri tré í Úlfarsárdal
Stígur frá Úlfarsárdal upp að Hafravatni
Áningarstaður með grilli
Körfuboltavöllur við Ingunnarskóla
Fjallahjólastígur á Úlfarsfelli
Rathlaupabraut milli Reynisvatns og Rauðavatns

Grafarvogur

Jólaljós á völdum stöðum í hverfinu
Sjósundsaðstaða við Geldinganes
Trampólíngarður
Aparóla í Gufunesi
Nuddfoss í Grafarvogslaug
Ærslabelgi á völdum stöðum í Grafarvogi
Stigi ofan í fjöruna við Gufunes
Fjallahjólasvæði í Gufunesi
Fleiri bekki í hverfið
Betri lýsing í Gufunesi
Lýsa upp göngustíg meðfram Strandvegi •
Bílastæði við Geldinganes
Aparóla í norðanverðum Grafarvogi

Hlíðar

Endurbæta leik– og dvalarsvæði á Klambratúni
Fleiri blóm í hverfið
Umbætur á grenndarstöðvum
Gróðurbætur við Miklubraut
Niðurgrafin trampólín á Klambratún
Trjágróður meðfram Kringlumýrarbraut
Útiæfingatæki á Klambratún
Ungbarnarólur
Fleiri bekki í hverfið
Útigrill á Klömbrum
Körfuboltavöllur við Hlíðaskóla
Stígatenging frá Bólstaðarhlíð að Kringlumýrarbraut
Hjólaviðgerðastandar í hverfinu
Almenningsstæði fyrir rafmagnshlaupahjól

Háaleiti og Bústaðir

Bætt lýsing í Fossvogi
Grænt svæði og torg við Grímsbæ
Ærslabelgir
Fleiri bekki í hverfinu
Sleðabrekka fyrir neðan Grímsbæ
Reiðhjólaskýli og hjólagrindur við Víkingsheimilið
Púttvöllur
Betri lýsing á göngustíg milli Hvassaleitis og Kringlu
Göngustíg frá Kringlumýrarbraut inn í Álftamýri
Minigolfvöllur
Frisbígolf við göngustíg í Múlahverfi
Trjágöng við Háaleitisbraut
Útieldun í Úlfaskógi (Garðaflöt)

Laugardalur

Bætt lýsing á stígum í Laugardalnum
Jólaland í Laugardalnum
Ærslabelgur
Trjágróður við Sæbraut
Gróðurbætur við Sæbraut
Fleiri bekki í hverfið
Bætt lýsing við Laugarnesskóla
Yfirbyggður grillskáli í Laugardalnum
Sjósundsaðstaða á Laugarnestanga
Jólaljós á Skeiðarvog
Almenningsgarður með aðgengi fyrir alla
Aparóla
Endurbæta körfuboltavöll við Laugarnesskóla
Betri grenndarstöð á horni Kleppsvegar og Hjallavegar
Útgönguleið úr suð-austurenda Fjölskyldu- og Húsdýragarðs
Upplýsingaskilti um náttúru og skipulag Laugardals

Kjalarnes

Ærslabelgur
Bekkir við sjó
Gróðursetja tré í Grundarhverfi
Frisbígolfvöll kringum íþróttasvæðið

Vesturbær

Lóðin við Sundlaug Vesturbæjar fyrir alla fjölskylduna
Grænni Reykjavík
Opið grænt svæði á Hagatorgi
Sjósundsaðstaða við Ægisíða
Lítinn pott á Ægisíðu
Ærslabelgur í hverfinu
Fleiri bekki í hverfið
Teqball völlur hjá Hagaskóla

Miðborg

Sérstakir safnkassar fyrir sprautunálar
Grænt svæði við Frakkastíg (Frakkland)
Vindheld torg
Bæta lýsingu í Einarsgarði og Hljómskálagarði
Endurbæta leikvöll í Hljómskálagarðinum
Betrumbæta grænt svæði við Snorrabraut
Útiæfingatæki í Hljómskálagarðinn
Útiaðstaða við Gömlu spennistöðina
Skreytum hús með húsum
Gamaldags götuljós í Miðstrætið
Fleiri hjólastæði í Miðborginni

Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir