Grunaður sprengjumaður í Gautaborg fannst látinn

Atli Ísleifsson skrifar 6. október 2021 10:32

Maður sem grunaður er um að hafa borið ábyrgð á sprengingu í fjölbýlishúsi í Gautaborg í Svíþjóð á þriðjudaginn í síðustu viku hefur fundist látinn.

Alþjóðleg handtökuskipun hafði verið gefin út á hendur hinum 55 ára Mark Lorentzon vegna málsins en hann fannst látinn í sjónum við Stenpiren í Gautaborg í morgun, að því er segir í frétt Aftonbladet.

Mikil sprenging varð í fjölbýlishúsi við götuna Övre Husargatan í hverfinu Annedal í Gautaborg á þriðjudagsmorgun og voru rúmlega tuttugu flutt á sjúkrahús og þar af voru fjórir alvarlega særðir.

Fljótlega fór lögregla að beina sjónum sínum að Lorentzon, en til stóð að bera manninn út úr íbúðinni sama dag.

Hann átti ekki sakaferil að baki en hafði þó verið kærður fyrir áreitni á síðasta ári.

Svíþjóð

Tengdar fréttir

Leita karlmanns á sextugsaldri vegna sprengingarinnar í Gautaborg

Lögreglan í Gautaborg leitar nú karlmanns á sextugsaldri í tengslum við öfluga sprengingu í fjölbýlishúsi í miðborginni á þriðjudag. Til stóð að bera manninn út úr íbúð sinni í húsinu sama dag.

30. september 2021 10:30

Kanna hvort sprengju hafi verið komið fyrir í Gautaborg

Lögreglan í Gautaborg rannsakar nú hvort að sprengju kunni að hafa verið komið fyrir við fjölbýlishús þar sem mikil sprenging varð snemma í morgun. Fjórir íbúar hússins eru alvarlega slasaðir en að minnsta kosti sextán voru fluttir á sjúkrahús.

28. september 2021 11:23

Á þriðja tug á sjúkrahús eftir sprengingu í íbúðahúsi í Gautaborg

Fjöldi fólks er alvarlega slasaður eftir að mikil sprenging varð í íbúðahúsi í hverfinu Annedal í miðsvæðis í sænsku borginni Gautaborg snemma í morgun.

28. september 2021 06:50

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.