Innlent

Fyrstu tölur í öllum kjördæmum: Stefnir í stórsigur ríkisstjórnarinnar

Óttar Kolbeinsson Proppé skrifar
Formenn ríkisstjórnarflokkanna mættu í sett á kosningavöku Stöðvar 2.
Formenn ríkisstjórnarflokkanna mættu í sett á kosningavöku Stöðvar 2. vísir/vilhelm

Helstu tíðindi eftir að fyrstu tölur hafa borist úr öllum kjördæmum landsins eru þau að hvorki Sósíalistaflokkur né Miðflokkur ná manni inn á þing og þá bæta ríkisstjórnarflokkarnir samtals við sig sex mönnum.

Á landsvísu er Sjálfstæðisflokkurinn nú með 26,8 prósenta fylgi og bætir við sig tæpum tveimur prósentustigum frá síðustu kosningum og Framsóknarflokkurinn með 15,7 prósenta fylgi og bætir við sig tæpum fimm prósentustigum frá síðustu kosningum. 

Vinstri græn eru eini stjórnarflokkurinn sem tapar fylgi eftir kjörtímabilið en eftir fyrstu tölur í öllum kjördæmum er flokkurinn með 13,2 prósenta fylgi, sem er tæpum fjórum prósentustigum verra en í síðustu kosningum.

Miðað við þetta bæta ríkisstjórnarflokkarnir við sig sex mönnum og gætu haldið meirihluta með 39 þingmenn.

Sjálfstæðisflokkurinn ætti þar 19 þingmenn, Framsókn 11 og Vinstri græn 9.

Flokkur fólksins á siglingu

Flokkur fólksins hefur komið mjög á óvart eftir fyrstu tölur í kvöld og mælist nú með 9,7 prósenta fylgi og bætir við sig tæpur þremur prósentum. Flokkurinn fengi sjö menn á þing miðað við þetta.

Þetta er mikill sigur fyrir flokkinn sem mældist úti af þingi í fjölmörgum könnunum fram að kosningum. 

Alþingiskosningar 2021 Ríkisstjórn Katrínar Jakobsdóttur Sjálfstæðisflokkurinn Framsóknarflokkurinn Flokkur fólksins
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið