Hlýddi mömmu og skellti sér með bjór á kjörstað

Kolbeinn Tumi Daðason skrifar 25. september 2021 19:46

Zakarías með bjórinn á leið á kjörstað. Vísir

Zakarías Friðriksson var á meðal þeirra sem skelltu sér á kjörstað í Smáranum í dag. Zakarías er harður stuðningsmaður Breiðabliks og skaust af leik sinna manna gegn HK í Pepsi Max-deild karla í knattspyrnu í dag til að kjósa.

„Þetta verður random. Ég ætla að loka augunum og negla niður einhverju,“ sagði Zakarías í dag. Ekki sterkar skoðanir á hver fengi hans atkvæði í Kraganum.

„Ég hef ekki grænan. Ég er að flýta mér því mamma segir alltaf að ég eigi að nýta mér kosningaréttinn,“ sagði Zakarías heiðarlegur. Mamma veit best.

Hann var á hraðferð, með bjór í hönd, enda mikilvægur fótboltaleikur í gangi. Inn og út verkefni, hann ætlaði ekki að staldra lengi við í kjörklefanum.

„Tíu sekúndur ef ekki minna,“ sagði Zakarías og fékk sér sopa af bjórnum. Aðspurður sagðist hann ætla að taka bjórinn með í kjörklefann.

Elísabet Inga Sigurðardóttir tók kjósendur tali í Smáranum í dag.

Klippa: Fæstir búnir að gera upp hug sinn

Kópavogur Alþingiskosningar 2021

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.