Innlent

Mælan­leg vinstri sveifla viku fyrir kosningar

Eiður Þór Árnason skrifar
Alþingiskosningar fara fram eftir slétta viku. 
Alþingiskosningar fara fram eftir slétta viku.  vísir/vilhelm

Greinilega sveiflu til vinstri má sjá í niðurstöðum nýrrar skoðanakönnunar MMR sem gerð var í samstarfi við Morgunblaðið og mbl.is. Eykst fylgi Vinstri grænna, Samfylkingar, Pírata og Sósíalista milli kannanna á sama tíma og fylgi Sjálfstæðisflokksins dalar töluvert.

Ef úrslit kosninga væru í samræmi við niðurstöður könnunarinnar væri ríkisstjórnin fallin og næði inn 31 þingmanni. Samkvæmt niðurstöðunum fengju Vinstri græn 12,1% fylgi, Samfylkingin 13,0%, Píratar 11,8% og Sósíalistaflokkurinn 8,6%. Sjálfstæðisflokkurinn mælist með 20,3% og Miðflokkurinn með 4,6%.

Hækkun Framsóknar og Viðreisnar, sem sást í könnun MMR og Morgunblaðsins í síðustu viku gengur að miklu leyti til baka en Framsókn mælist nú með 12,7% og Viðreisn 10,7%.

Samkvæmt niðurstöðunum fengi Flokkur fólksins 5,6% fylgi og Sósíalistaflokkurinn 8,6% en það er næsthæsta mæling flokksins frá upphafi.

Frjálslyndi lýðræðisflokkurinn fékk 0,47% og Ábyrg framtíð 0,27%. Könnunin var gerð dagana 15. til 17. september og tóku 1.102 afstöðu til stjórnmálaflokkanna. 

Alþingiskosningar 2021 Skoðanakannanir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið