Tuttugu og fimm greindust með Covid-19 innanlands í gær

Hólmfríður Gísladóttir skrifar 17. september 2021 11:00

Tuttugu og fimm greindust með kórónuveiruna SARS-CoV-19 í gær.354 eru nú í einangrun og 765 í sóttkví.

Af þeim sem greindust í gær voru tólf í sóttkví en þrettán utan sóttkvíar.

Fimmtán voru fullbólusettir, einn hálfbólusettur og níu óbólusettir.

Samkvæmt upplýsingum á vef Landspítalans liggja níu nú inni vegna Covid-19, þar af unglingur og tveggja ára drengur. Barnið var flutt af gjörgæsludeild yfir á Barnaspítala Hringsins í gær.

Tveir liggja nú á gjörgæslu og eru báðir í öndunarvél.

Alls eru 352 sjúklingar, þar af 117 börn, í eftirliti hjá Covid-göngudeild Landspítalans. Einn er metinn rauður og ellefu gulir. Eru þeir undir nánara eftirliti.

Í dag hafa 272.185 verið fullbólusettir gegn Covid-19; 74 prósent landsmanna allra og 87 prósent 12 ára og eldri.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.