Dregur úr fylgi Sjálfstæðisflokksins í nýrri könnun

Atli Ísleifsson skrifar 13. september 2021 07:09

Bjarni Benediktsson er formaður Sjálfstæðisflokksins. Vísir/Vilhelm

Töluvert dregur úr fylgi Sjálfstæðisflokksins í nýrri könnun sem MMR gerir fyrir Morgunblaðið og greint er frá í blaði dagsins.

Samkvæmt könnuninni, sem gerð var 8. til 10 september síðastliðinn mælist flokkurinn með 22,3 prósenta fylgi en var í tæpum 25 prósentum í síðustu könnun.

Mesta aukningin í könnuninni virðist vera á miðjunni. Viðreisn bætir við sig miklu fylgi að sögn Morgunblaðsins og Framsóknarflokkurinn sækir einnig í sig veðrið, ef marka má könnunina.

Þá dregur úr fylgi Sósíalistaflokksins en litlar breytingar eru á fylgi annarra flokka.

Um 820 einstaklingar tóku afstöðu til flokkanna í könnuninni og því hæpið að reikna út þingsæti út frá þessari einu könnun.

Alþingiskosningar 2021 Sjálfstæðisflokkurinn Skoðanakannanir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.