Hákon með tvö mörk í íslenskum sigri í Hvíta-Rússlandi

Hákon var ekki í byrjunarliði Íslands en kom inn á sem varamaður eftir fimm mínútur fyrir fyrirliðann Brynjólf Andersen Willumsson.

Skagamaðurinn var ekki lengi að láta að sér kveða og á 20. mínútu kom hann Íslendingum yfir eftir sendingu frá Kolbeini Þórðarsyni. Staðan var 0-1 í hálfleik, íslenska liðinu í vil.

Hákon var aftur á ferðinni á 54. mínútu þegar hann skoraði sitt annað mark eftir undirbúning Atla Barkarsonar.

Aleksandr Shestyuk minnkaði muninn á 70. mínútu en nær komst Hvíta-Rússland ekki.

Byrjunarlið Íslands í leiknum í dag má sjá hér fyrir neðan. Hákon, Birkir Heimisson, Viktor Örlygur Andrason og Ágúst Eðvald Hlynsson komu inn á sem varamenn.

Næsti leikur Íslands í undankeppninni er gegn Grikklandi í Víkinni á þriðjudaginn.