Innlent

Björgunar­sveitir kallaðar út í Þórs­mörk

Elma Rut Valtýsdóttir skrifar
Björgunarsveitir settu upp línur til að tryggja öryggi konunnar og var hún aðstoðuð niður.
Björgunarsveitir settu upp línur til að tryggja öryggi konunnar og var hún aðstoðuð niður. Aðsend

Björgunarsveitir á Suðurlandi voru kallaðar út í kvöld vegna göngukonu sem var í sjálfheldu í Þórsmörk.

Konan var stödd á Valahnúk í þó nokkru brattlendi og treysti sér ekki áfram. Nærstatt björgunarsveitarfólk fann konuna fljótlega og var hún óslösuð.

Settar voru upp björgunarlínur til þess að tryggja öryggi konunnar og gekk vel að koma henni niður.

Þá voru björgunarsveitir á Ísafirði og í Hnífsdal einnig kallaðar út í dag vegna konu sem hafði hrasað þar sem hún stödd í berjamó í hlíðum Kirkjubólsfjalls í Skutulsfirði.

Konan slasaðist á fæti og þurfti að bera hana niður að sjúkrabílnum.

Björgunarsveitir Rangárþing eystra
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið