Erlent

Minnst átta látnir vegna felli­byls í Mexíkó

Hallgerður Kolbrún E. Jónsdóttir skrifar
Minnst átta hafa farist í fellibylnum Grace í austurhluta Mexíkó.
Minnst átta hafa farist í fellibylnum Grace í austurhluta Mexíkó. Getty/Natalia Pescador

Minnst átta hafa látist svo vitað sé í fellibylnum Grace í austurhluta Mexíkó. Miklar hitabeltisrigningar og vindar hafa orðið til þess að víða er rafmagnslaust og flóð eru víða.

Héraðið Veracruz hefur orðið hvað verst úti í fellibylnum en allir átta sem vitað er til að hafa farist bjuggu í héraðinu. Sex af þeim átta voru úr sömu fjölskyldunni samkvæmt upplýsingum frá yfirvöldum í héraðinu. Fellibylurinn kom að landi snemma í gærmorgun og voru vindar svo sterkir að tré féllu. Götur hafa víða breyst í árfarvegi.

Eitthvað dró þó úr krafti fellibylsins þegar hann færðist inn með landinu og er hann nú flokkaður sem hitabeltisstormur. Vindar byljarins mældust mest um 56 m/s þegar þeir nálguðust strendur Mexíkó.

Fellibylurinn Grace er ekki sá eini sem herjar á Norður-Ameríku um þessar mundir en íbúar austurstrandar Bandaríkjanna búa sig nú undir að fellibylurinn Henri nái landi í New York ríki og syðri hluta Nýja Englands.

Neyðarástandi hefur verið lýst yfir í hluta New York ríkis en vindhraði fellibyljarins mælist nú um 33 m/s og búist er við miklu úrhelli.

Náttúruhamfarir Bandaríkin Mexíkó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið