Klóra sér í hausnum eftir nóttina og fiska eftir svörum Eiður Þór Árnason skrifar 13. ágúst 2021 15:15 Ýmsar tilgátur eru uppi um furðulegheit næturinnar. Sæunn Ósk Unnsteinsdóttir, framkvæmdastjóri Hopp á höfuðborgarsvæðinu, hefur átt óvenjulegan vinnudag. Samsett Viðskiptavinir rafskútuleigunnar Hopp vissu ekki á hvaðan á sig stóð veðrið þegar þeir sáu dauða fiska á sex mismunandi farartækjum. Málið hefur vakið mikla athygli á meðal forvitinna netverja sem leita nú að veraldlegum skýringum. „Við erum búin að skemmta okkur vel yfir þessu,“ segir Sæunn Ósk Unnsteinsdóttir, framkvæmdastjóri Hopp á höfuðborgarsvæðinu. Starfsfólk Hopp hefur fengið veður af því að minnst tveir fiskar hafi fundist á rafskútum fyrirtækisins í gær og morgun en ekki séð neina þeirra með berum augum. Sæunn telur líklegt að notendur hafi tekið það á sig losa sig við fiskana en af myndum að dæma er um að ræða smágerða þorska. Hún bætir við að margar spurningar hafi eðlilega kviknað hjá starfsmönnum Hopp sem kannast ekki við að fiskar hafi áður reynt að nýta sér rafskútur fyrirtækisins. Veit ekki hvernig ég á að taka þessu pic.twitter.com/0FXV2myVTC— Eyþór Máni (@eythormani) August 13, 2021 „Það er búið að spinnast mikið af skemmtilegum sögum hjá starfsfólkinu út af þessu og vangaveltur um það hvort þetta sé gjöf, hvort þeir hafi verið að dorga og hvar þá og hvort þetta sé vinahópur,“ segir Sæunn létt í bragði. „Þetta er bara skemmtilegt en leiðinlegt að geta ekki nýtt fiskinn og borðað hann. Hann er betur geymdur í kæli.“ Fiskabylting á föstudeginum þrettánda Ingibjörg Þórðardóttir var á leið heim úr miðbæ Reykjavíkur ásamt vinkonu sinni þegar hún sá fisk á þurru hjóli. „Það var fiskur á hverju einasta hjóli sem við komum að þannig við ákváðum bara að sleppa því að taka Hopp og labba heim,“ segir Ingibjörg. Þær hafi séð fiska á sex rafskútum við Sæbraut og Klambratún. Á einni þeirra mátti finna hvítan plastpoka sem Ingibjörg telur að hafi verið notaður undir fiskana. „Ég fatta ekki alveg hvað gekk í gegnum hausinn á fólkinu sem gerði þetta,“ bætir hún við á milli hlátraskalla. Sumir þorskarnir voru minni en aðrir og hugsanlegt að þeir hafi verið veiddir í höfninni. Ingibjörg Þórðardóttir Ingibjörg bendir á að þegar hér var komið við sögu var runnin upp föstudagurinn þrettándi en samkvæmt hjátrúnni eru slæmir atburðir líklegri til að gerast þegar þrettánda dag mánaðar ber upp á föstudegi. „Ég held að þetta sé einhver fiskabylting,“ bætir hún við. Það vakti athygli Ingibjargar að þar sem finna mátti rafskútu frá erlenda samkeppnisaðilanum Wind við hliðina á Hopp-hjólum, urðu hin íslensku einungis fyrir barðinu á hryggdýrunum. Því sé ekki hægt að útiloka að um sé að ræða rætna herferð á vegum samkeppnisaðilans eða stuðningsmanna hans. „Það þykir mér ótrúlega ólíklegt en þá þurfum við bara að hefna okkar,“ segir Sæunn, framkvæmdastjóri Hopp, hlæjandi þegar þessi tilgáta er borin undir hana. „Þá er bara spurning hvað við gerum á móti, það er spurning hvort við séum komin í stríð við Wind.“ Fiski minn pic.twitter.com/FQvGQlXiC1— ingirbjörg (@indibonda) August 12, 2021 Hopp býður fría ferð Sæunn vonar að huldumaðurinn eða hópurinn stígi fram og gangist við verknaðinum. „Við viljum bara hitta hann í persónu hér [í höfuðstöðvum Hopp] í Skipholti. Við höldum ekki að það sé neikvætt að fólk sé að henda í okkur fisk, okkur finnst þetta bara skemmtilegt og langar að gefa þeim frítt Hopp.“ Engin gremja sé meðal starfsfólks sem hafi þurft að þrífa hjólin í morgun. „Neinei, við smúlum þau bara. Við þrífum þau alltaf vel og sótthreinsum þegar þau koma inn til okkar. Það er kannski bara leiðinlegt fyrir okkar notendur.“ Dýr Rafhlaupahjól Reykjavík Mest lesið Ósérhlífinn starfsmaður bjargaði ómvölum frá endurvinnslu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Var hent í ljónagryfjuna þegar hann fór inn á Vog Lífið Rúrik fellur í skuggann á kynþokkafullum Jóni Lífið Einhleypan: Tískuelskandi lögfræðingur með sterka réttlætiskennd Makamál Kim „loksins“ útskrifuð Lífið Ljósavinir fögnuðu í Sjálandi Lífið Dunda dömurnar fögnuðu í bongó blíðu Lífið Sigurvegarinn vill banna Ísrael Lífið Glæsileg í Cannes í sérsaumaðri íslenskri hönnun Tíska og hönnun Fleiri fréttir Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu „Allt annað að sjá einhvern sem var eins og ég“ „Ekki ætlunin að særa heldur hrista aðeins upp í umræðunni“ Heillandi heimili Hönnu Stínu Jónas Sen sakaður um derring og meinfýsni Arnar og Sigrún Heba selja glæsihús í Kópavogi Svanhildur Hólm fór holu í höggi Sjá meira
„Við erum búin að skemmta okkur vel yfir þessu,“ segir Sæunn Ósk Unnsteinsdóttir, framkvæmdastjóri Hopp á höfuðborgarsvæðinu. Starfsfólk Hopp hefur fengið veður af því að minnst tveir fiskar hafi fundist á rafskútum fyrirtækisins í gær og morgun en ekki séð neina þeirra með berum augum. Sæunn telur líklegt að notendur hafi tekið það á sig losa sig við fiskana en af myndum að dæma er um að ræða smágerða þorska. Hún bætir við að margar spurningar hafi eðlilega kviknað hjá starfsmönnum Hopp sem kannast ekki við að fiskar hafi áður reynt að nýta sér rafskútur fyrirtækisins. Veit ekki hvernig ég á að taka þessu pic.twitter.com/0FXV2myVTC— Eyþór Máni (@eythormani) August 13, 2021 „Það er búið að spinnast mikið af skemmtilegum sögum hjá starfsfólkinu út af þessu og vangaveltur um það hvort þetta sé gjöf, hvort þeir hafi verið að dorga og hvar þá og hvort þetta sé vinahópur,“ segir Sæunn létt í bragði. „Þetta er bara skemmtilegt en leiðinlegt að geta ekki nýtt fiskinn og borðað hann. Hann er betur geymdur í kæli.“ Fiskabylting á föstudeginum þrettánda Ingibjörg Þórðardóttir var á leið heim úr miðbæ Reykjavíkur ásamt vinkonu sinni þegar hún sá fisk á þurru hjóli. „Það var fiskur á hverju einasta hjóli sem við komum að þannig við ákváðum bara að sleppa því að taka Hopp og labba heim,“ segir Ingibjörg. Þær hafi séð fiska á sex rafskútum við Sæbraut og Klambratún. Á einni þeirra mátti finna hvítan plastpoka sem Ingibjörg telur að hafi verið notaður undir fiskana. „Ég fatta ekki alveg hvað gekk í gegnum hausinn á fólkinu sem gerði þetta,“ bætir hún við á milli hlátraskalla. Sumir þorskarnir voru minni en aðrir og hugsanlegt að þeir hafi verið veiddir í höfninni. Ingibjörg Þórðardóttir Ingibjörg bendir á að þegar hér var komið við sögu var runnin upp föstudagurinn þrettándi en samkvæmt hjátrúnni eru slæmir atburðir líklegri til að gerast þegar þrettánda dag mánaðar ber upp á föstudegi. „Ég held að þetta sé einhver fiskabylting,“ bætir hún við. Það vakti athygli Ingibjargar að þar sem finna mátti rafskútu frá erlenda samkeppnisaðilanum Wind við hliðina á Hopp-hjólum, urðu hin íslensku einungis fyrir barðinu á hryggdýrunum. Því sé ekki hægt að útiloka að um sé að ræða rætna herferð á vegum samkeppnisaðilans eða stuðningsmanna hans. „Það þykir mér ótrúlega ólíklegt en þá þurfum við bara að hefna okkar,“ segir Sæunn, framkvæmdastjóri Hopp, hlæjandi þegar þessi tilgáta er borin undir hana. „Þá er bara spurning hvað við gerum á móti, það er spurning hvort við séum komin í stríð við Wind.“ Fiski minn pic.twitter.com/FQvGQlXiC1— ingirbjörg (@indibonda) August 12, 2021 Hopp býður fría ferð Sæunn vonar að huldumaðurinn eða hópurinn stígi fram og gangist við verknaðinum. „Við viljum bara hitta hann í persónu hér [í höfuðstöðvum Hopp] í Skipholti. Við höldum ekki að það sé neikvætt að fólk sé að henda í okkur fisk, okkur finnst þetta bara skemmtilegt og langar að gefa þeim frítt Hopp.“ Engin gremja sé meðal starfsfólks sem hafi þurft að þrífa hjólin í morgun. „Neinei, við smúlum þau bara. Við þrífum þau alltaf vel og sótthreinsum þegar þau koma inn til okkar. Það er kannski bara leiðinlegt fyrir okkar notendur.“
Dýr Rafhlaupahjól Reykjavík Mest lesið Ósérhlífinn starfsmaður bjargaði ómvölum frá endurvinnslu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Var hent í ljónagryfjuna þegar hann fór inn á Vog Lífið Rúrik fellur í skuggann á kynþokkafullum Jóni Lífið Einhleypan: Tískuelskandi lögfræðingur með sterka réttlætiskennd Makamál Kim „loksins“ útskrifuð Lífið Ljósavinir fögnuðu í Sjálandi Lífið Dunda dömurnar fögnuðu í bongó blíðu Lífið Sigurvegarinn vill banna Ísrael Lífið Glæsileg í Cannes í sérsaumaðri íslenskri hönnun Tíska og hönnun Fleiri fréttir Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu „Allt annað að sjá einhvern sem var eins og ég“ „Ekki ætlunin að særa heldur hrista aðeins upp í umræðunni“ Heillandi heimili Hönnu Stínu Jónas Sen sakaður um derring og meinfýsni Arnar og Sigrún Heba selja glæsihús í Kópavogi Svanhildur Hólm fór holu í höggi Sjá meira