Innlent

Öllum gert að sýna neikvætt próf á landamærunum

Samúel Karl Ólason skrifar
Katrín Jakobsdóttir, forsætisráðherra.
Katrín Jakobsdóttir, forsætisráðherra. Vísir/Vilhelm

Ekki verður gripið til sóttvarnaraðgerða innanlands en bólusett fólk sem kemur til landsins mun þurfa að skila inn neikvæðu PCR-prófi eða hraðgreiningu við komuna. Íslendingar sem koma til landsins verða einnig beðnir um að fara í skimun.

Í fyrstu stóð að einungis erlendir ferðamenn þyrftu að sýna neikvætt próf. Það var ekki rétt. Tilmælin ná líka yfir Íslendinga sem eru að koma erlendis frá.

Breytingarnar taka gildi eftir viku.

Þetta tilkynnti Katrín Jakobsdóttir, forsætisráðherra, eftir ríkisstjórnarfund í stjórnarráðinu í dag þar sem tillögur Þórólfs Guðnasonar, sóttvarnalæknis, voru til umræðu.

Katrín lagði minnisblaðið fram fyrir hönd Svandísar Svavarsdóttur, heilbrigðisráðherra, sem var ekki stödd á fundinum. Hún sagði að breytingarnar muni þarfnast undirbúnings og því taki þær gildi eftir viku.

Bólusett fólk munu þurfa að framvísa neikvæðu PCR-prófi eða hraðprófi.

Þá verður mælst til þess að þau sem eru með tengslanet hér á landi, eins og búsettir Íslendingar, fari í skimun innan sólarhrings frá því að koma til landsins.

Þórólfur lagði til að Íslendingar yrðu skyldugir til að fara í sýnatöku. Samkvæmt Mbl þótti ráðherrum það ekki standast jafnræðisreglu.

„Hugsunin er þá að draga úr áhættunni. Við erum sem betur fer ekki að sjá alvarleg veikindi en við erum að sjá töluverða fjölgun smita, í hópi bólusettra, og við erum að horfa til þess að þetta eru tiltölulega mildar ráðstafanir til að draga úr áhættu.

Ekki skiptir máli frá hvaða landi viðkomandi eru að koma og ástandinu þar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.