Helgi Valur leggur skóna á hilluna í annað sinn eftir tímabilið

Þetta staðfestir Helgi Valur í samtali við mbl.is, en hann hóf að spila með Fylki á nýjan leik árið 2018 eftir að hafa lagt skóna á hilluna þremur árum áður.

Helgi Valur hefur leikið með Peterborough á Englandi, AGF í Danmörku, Eflsborg, Öster og AIK í Svíþjóð, Hansa Rostock í Þýskalandi og Belenenses í Portúgal.

Í vor varð Helgi Valur 29. Íslendingurinn frá upphafi til að ná 400 deildarleikjum í meistaraflokki á ferlinum. Þar af á hann 112 leiki í efsti deild á Íslandi þar sem hann hefur skorað tíu mörk. Helgi á þá einnig 33 A-landsleiki fyrir Íslands hönd.