Lífið

Stjörnulífið: Sólin, sælan og sjálfsástin

Ása Ninna Pétursdóttir skrifar
Stjörnulífið er liður á Vísi en þar verður farið yfir það helsta sem þekktir Íslendingar hafa verið að gera undanfarna daga og jafnvel deila því með fylgjendum sínum á Instagram.
Stjörnulífið er liður á Vísi en þar verður farið yfir það helsta sem þekktir Íslendingar hafa verið að gera undanfarna daga og jafnvel deila því með fylgjendum sínum á Instagram. Samsett mynd

Sumarið er tíminn, eins og kóngurinn orti svo eftirminnilega. Stjörnurnar og sólin skinu skært í liðinni viku og fór mikið fyrir allskyns fögnuðum, ferðalögum og almennum glamúr. 

Ferðalög erlendis voru áberandi sem og útilegur innanlands enda lék veðrið við landann þessa helgina. 

Leikonan Íris Tanja, sem sló í gegn í Netflix þáttaröðinni Kötlu var ein af þeim sem naut sín í útilegu og birti þessa fallegu mynd. 

Forsetahjónin Eliza og Guðni skelltu sér í göngu upp í Reykjadal og slökuðu á í heitum læknum.

Dorrit Moussaieff fyrrverandi forsetafrú fylgir Elizu á Instagram og segist í athugasemd vera græn af öfund.

Þá skelltu forsetahjónin sér á Árbæjarsafn á laugardaginn á sýningu sem er hluti af Reykjavík Fringe. Þann dag fögnuðu þau líka sautján ára brúðkaupsafmæli.

Kolbrún Pálína naut sólarinnar á Tenerife í kærkomnu fríi og fyllti á hugmyndabankann.

 Stundum má lífið vera ljúft. 

Hljómsveitin Góss skipuð Sigríði Thorlacius, Sigurði Guðmunds og Guðmundi Óskari, er nú á tónleikaferðalagi um landið til 16. júlí. 

Á fimmtudaginn heimsóttu þau Hveragerði í blíðskaparveðri. 

Tónleikarnir í Básum í Þórsmörk á laugardagskvöldinu voru svo sannarlega vel heppnaðir. 

Ekki var þetta ljótt og ekki var þetta leiðinlegt. Eins og góður maður benti á; „aumingja þeir sem eru ekki hérna,“ Það er ekkert í heimi betra. Takk fyrir okkur.

Einar Þorsteinsson í Kastljósinu og Milla Magnúsdóttir, aðstoðarmaður Lilju Alfreðsdóttur menntamálaráðherra, voru á meðal þeirra sem sóttu GÓSS tónleika í Ásbrekku í Skeiða- og Gnúpverjahreppi. Einar kom vel undirbúinn vopnaður útilegustólum og nutu þau fagurra tóna í rjómablíðu.

Auðunn Blöndal og Rakel skírðu yngri strákinn sinn um helgina og fékk hann nafnið Matteó Orri Blöndal. Auðunn birti fallega mynd af sér og skírnarbarninu.

„Reyndum að draga Rakel og Tedda með á myndina án árangurs.“

Stoltur fjölskyldufaðir

Það voru fleiri sem nýttu þessa fallegu helgi í skírnarveislur en fjölmiðlakonan Viktoría Hermanns og skemmtikrafturinn Sóli Hólm gáfu litla drengnum sínum nafnið Hermann Flóki. 

Sóli birti fallega mynd af fjölskyldunni þar sem hann segir eldri systkyni hafi tekið virkan þátt í athöfninni. Hinn nýfermdi Matthías er guðfaðir barnsins og fengu Birta og Baldvin að tilkynna nafnið.

Opnun Bankastrætis club

Mikið var um litadýrð á opnun skemmtistaðarins Bankastræti Club á föstudagsvköldið. Birgitta Líf eigandi staðarins var geislandi í ljósbleikum kjól frá Hildi Yeoman. 

Birgitta  segist alsæl með viðtökurnar og svífur um á bleiku skýi. 

Samfélagsmiðlastjörnurnar og vinkonur Birgittu þær Sunneva Einars og Ástrós Trausta létu sig að sjálfsögðu ekki vanta og stilltu sér upp í litríkum og glasandi fatnaði frá Hildi Yeoman.

Leikkonan Krístín Péturs var einnig glæsileg á opnun staðarins. 

Söngvararnir síkátu þeir Friðrik Ómar og Jógvan una sér vel á tónleikaferðalaginu sínu Sveitalíf um land allt. Hér má sjá þá kappa með borgarstjóranum Degi B. Eggerts í blíðunni á Akureyri um helgina. Þeir skelltu sér líka út í Grímsey þar sem þeir tróðu upp.

Sönggyðjan Salka Sól hefur vakið mikla athygli fyrir prjónauppskriftirnar sínar en hún byrjaði að prjóna þegar hún var ófrísk af dóttur sinni. 

Um helgina birti hún mynd af sér í fallegri prjónapeysu og segir; 

Þið kannski djamma - ég bara prjóna!

Fegurðardrottningin okkar eina sanna Linda Pé birti myndbrot úr myndatöku um helgina þar sem hún var glæsileg að vanda. 

Fótboltastjarnan, dansstjarnan og fyrirsætan Rúrik Gíslason birti níu myndir af sér í sömu fötunum á Instagram og biður fólk að velja bestu myndina. 

Er þetta ekki bara úllen dúllen Rúrik? 

Fótboltasérfræðingurinn og fjölmiðlamaðurinn Hjörvar Hafliðason birti einstaklega skemmtilega mynd af sér og kærustu sinni Heiðrúnu Lind framkvæmdastjóra SFS sem fagnaði afmæli sínu um helgina. 

Glæsilegt par hér á ferð. 

Samfélagsmiðlastjarnar og förðunarfræðingurinn Thelma Guðmunds er þessa dagana stödd á Spáni í frí með fjölskyldunni. 

Hún birti fallega mynd af sér og syni sínum Jökli eftir smá busl í sundlauginni. 

Sumarið er svo sannarlega tíminn. 

Bubbi í essinu sínu í veiði.  

Leikkonan og sjarmatröllið Ilmur Kristjáns alsæl eftir 24 km hlaup í Þorvaldsskokkinu. 

Geggjað óbyggðahlaup. 

Maður varð þakklátur í hvert skipti sem fóturinn sökk niður fyrir ökla í vætu og mýri til að fá smá kælingu. Algjörlega geggjað óbyggðahlaup!

Þórunn Antonía birtir mynd af sér á nærfötunum og veltir fyrir sér afhverju konur séu svona gagnrýnar á líkama sinn og „þessa ímynduðu galla sem enginn annar sér.“

Hún segir áfram sjálfsást!

Tónlistarmaðurinn Krummi naut sólarinnar í Reykjavík um helgina. 

Söngkonan síunga Svala Björgvins og Kristján Grétarsson spiluðu saman í einum af brúðkaupum helgarinnar. 

Edda Falak biður fólk ekki að vera að þvælast fyrir. 

Leikkonan Unnur Eggerts birti fallega mynd af sér og fagnar afmæli sínu. 

Söngdívurnar Selma og Svala glæsilegar í brúðkaupsveislu í Hafnarfirði um helgina. 

Selma ásamt kærastanum sínum Kolbeini Tuma, fréttastjóra Vísis, í sömu veislu þar sem Svala söng nokkur lög. 

Þá létu Gunnar Bragi Sveins­son al­þingis­maður og Sunna Gunnars Marteins­dóttir, starfs­maður breska sendi­ráðsins, pússa sig saman á laugardaginn. Nánar um það hér.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.