Lífið

BBQ kóngurinn: Fyllt grísalund með döðlum og brie í beikonteppi

Ása Ninna Pétursdóttir skrifar
Sumarlegur grillréttur með ferslu ananassalsa. 
Sumarlegur grillréttur með ferslu ananassalsa.  Skjáskot

„Ég eldaði þennan rétt í vetrarseríu BBQ kóngsins á Stöð 2 í fimm stiga frosti og það bara snarhlýnaði á pallinum,“ segir grillmeistarinn sjálfur, Alfreð Fannar Björnsson. 

„Þetta er samt sumarlegur og girnilegur grillréttur með fersku salsa.“

Hér er hægt að nálgast klippu úr þættinum og fyrir neðan má sjá uppskriftina og aðferð.

Verði ykkur að góðu!

Klippa: BBQ kóngurinn - Fyllt grísalund með döðlum og Brie í beikonteppi

Fyllt grísalund með döðlum og brie í beikonteppi með ananas salsa

  • Grísalund:
    • 600 g grísalund
    • Handfylli af döðlum fyrir hverja lund
    • 3-4 sneiðar af Brieosti fyrir hverja lund
    • 10-12 sneiðar af beikoni fyrir hverja lund
    • BBQ-kryddblandan
  • Ananas salsa:
    • 1 dl fínsaxaður ferskur ananas
    • 1 msk fínsaxaður rauðlaukur
    • 1 msk fínsöxuð steinselja
    • Safi úr 1 límónu

Aðferð:

  1. Kyndið grillið í 160 gráður.
  2. Skerið í miðjuna á grísalundinni en passið að fara ekki í gegn. Fyllið lundina með döðlum og Brieosti. Lokið kjötinu.
  3. Búið til beikonteppi (sjá skýringarmynd). Vefjið lundinni í teppið og kryddið með BBQ-kryddi eða svína-rub.
  4. Grillið lundina á óbeinum hita þar til kjötið nær 64 gráðum í kjarnhita. Leyfið því að hvíla í tíu mínútur.
  5. Blandið öllum hráefnunum í ananas salsað saman í skál og berið fram með fylltu grísalundinni.

Hér fyrir neðan er hægt að sjá nokkrar girnilegar uppskriftir úr fyrri þáttum en fyrir áhugasama er hægt að nálgasta alla fyrri þætti BBQ kóngsins á Stöð 2+.

Þríhyrningssteik með pico de gallo

Úrbeinað og fyllt lambalæri 


Tengdar fréttir

BBQ kóngurinn: Flanksteik fyllt með rjómaosti og spínati

„Sjáiði hvað þetta er flott hjá mér? Það mætti halda að ég væri að gera eitthvað krem fyrir köku. Samt kann ég ekkert að baka, nema vandræði,“ segir grillmeistarinn Alfreð Fannar þegar hann framreiðir fyllta Flanksteik í þættinum BBQ kóngurinn. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.