Íslenski boltinn

Sig­ríður Lára aftur í raðir FH

Runólfur Trausti Þórhallsson skrifar
Sigríður Lára í leik með FH.
Sigríður Lára í leik með FH. J.L. Long

Knattspyrnukonan Sigríður Lára Garðarsdóttir er gengin í raðir FH frá Val. Hún samdi við Val fyrir tímabilið eftir að hafa leikið með FH sumarið 2020. 

Sigríður Lára hefur komið við sögu í öllum leikjum Vals á leiktíðinni en hefur samt sem áður samið við FH að nýju.

Sigríður Lára hefur leikið alls 10 leiki í deild og bikar með Val í sumar og skorað tvö mörk. Hún yfirgefur nú Val sem situr í toppsæti Pepsi Max deildarinnar til að semja við FH sem situr í 3. sæti Lengjudeildar kvenna.

Á ferli sínum hefur hin 27 ára gamla Sigríður Lára leikið alls 210 deildar- og bikarleiki með ÍBV, FH og Val. Hefur hún skorað 34 mörk í þeim leikjum.

Einnig á þessi sterki leikmaður að baki 20 A-landsleiki sem og 30 leiki fyrir yngri landslið Íslands. Ljóst er að þetta er mikill liðsstyrkur fyrir FH en ekki kemur fram hversu lengur samningurinn er.




Fleiri fréttir

Sjá meira


×