Viðskipti innlent

Krónan og Elko flytja í gamla Myllu­húsið í Skeifunni

Atli Ísleifsson skrifar
Verslunarrýmið verður alls rúmir fjögur þúsund fermetrar.
Verslunarrýmið verður alls rúmir fjögur þúsund fermetrar. Krónan

Krónan og Elko munu opna nýjar verslanir í Skeifunni 19 um mitt næsta ár. Um er að ræða gamla Mylluhúsið sem er í gagngerri enduruppbyggingu, en verslunarrýmið verður alls rúmir fjögur þúsund fermetrar.

Í tilkynningu frá Krónunni segir að Krónan og Elko reki nú þegar verslanir í Skeifunni – Elko í Skeifunni 7 og Krónan í Skeifunni 11. Segir að nýja húsnæðið muni bjóða upp á talsvert stærri verslanir með auknu vöruúrvali og góðu aðgengi.

Haft er eftir Ástu S. Fjeldsted, framkvæmdastjóra Krónunnar, að Skeifan sé eitt öflugasta verslunarsvæði landsins og flutningur í enn stærra húsnæði geri fyrirtækinu kleyft að auka verulega við vöruúrvalið og þjónustu á svæðinu. Verði þarna ein stærsta verslun Krónunnar á höfuðborgarsvæðinu.

Einnig er haft eftir Gesti Hjaltasyni, framkvæmdastjóra Elko, að verslunin í Skeifunni hafi opnað 2004 og nýja verslunin verði ein glæsilegasta raftækjaverslun landsins. „[E]n hún verður sett upp í nýju útliti líkt og sjá má í verslunum ELKO á Akureyri og í Leifsstöð. Aukinn fermetrafjöldi kemur til með að hjálpa okkur að bæta enn frekar þjónustu og vöruúrval við okkar trausta hóp viðskiptavina,“ segir Gestur.

Verslun Reykjavík


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið