Innlent

Hafa gengið að rótum gígsins og flúið undan flæðandi hrauni

Atli Ísleifsson skrifar
Frá elsstöðvunum í Fagradalsfjalli.
Frá elsstöðvunum í Fagradalsfjalli. Vísir/Vilhelm

Lögreglu- og björgunarsveitarmenn í Grindavík hafa í dag hafa þurft að hafa afskipti af nokkrum einstaklingum sem hafa gengið út á nýstorknað hraunið, milli útsýnisstaða, og að rótum sjálfs stóra gígsins í Fagradalsfjalli.

Bogi Adolfsson, formaður björgunarsveitarfélagsins Þorbjarnar í Grindavík, staðfestir þetta í samtali við Vísi. „Þeir hafa verið að labba yfir hraunið á milli útsýnishólanna. Ég kalla þó góða að hafa sloppið.“

Á vefmyndavél mbl.is má sjá hvernig einn maður tekur til fótanna og flýr undan hrauninu sem flæðir niður skömmu eftir klukkan 11 í morgun.

Bogi segist mjög undrandi á slíkri hegðun enda stórhættuleg. „Ég hélt að þetta væri ekki eitthvað sem þyrfti að passa. Sannkallaðir snillingar greinilega þarna á ferð,“ segir Bogi í miklum hæðnistón.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.