Erlent

Höfðu hendur í hári her­mannsins

Vésteinn Örn Pétursson skrifar
Til skotbardaga kom milli mannsins og lögreglu.
Til skotbardaga kom milli mannsins og lögreglu. Getty

Lögregla í suðvesturhluta Frakklands hefur náð manni sem stórfelld leit hafði verið gerð að síðan á laugardag, eftir að hann skaut í átt að lögreglumönnum sem höfðu afskipti af honum vegna heimilisofbeldis.

Maðurinn hafði í kjölfarið flúið inn í nærliggjandi skóg, vopnaðir hnífi og veiðiriffli. Yfir 300 lögreglumenn tóku þátt í leitinni að manninum, sem er fyrrverandi hermaður og var talinn afar hættulegur. Meðal annars var stuðst við þyrlur og fjóra brynvarða bíla við leitina.

Sérstök viðvörun var gefin út vegna mannsins og var fólki í bænum Le Lardin-Saint-Lazare í Dordogne-héraði ráðlagt að halda sig frá manninum kæmi það auga á hann, þar sem hann væri einstaklega hættulegur.

Til skotbardaga milli mannsins og sérsveitarlögreglumanna kom þegar hann fannst í skóginum. Maðurinn, sem er 29 ára og heitir Terry Dupin, var skotinn og í kjölfarið handtekinn.

Breska ríkisútvarpið greinir frá því að Dupin hafi verið alvarlega særður eftir skotbardagann. Sjálfur hafi hann skotið þó nokkrum sinnum að lögreglu áður en hann var hæfður.

Mannsins var leitað í grennd við Le Lardin-Saint-Lazare.Datawrapper
Frakkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið