Erlent

Leita vopnaðs her­manns sem skaut að lög­reglu

Hallgerður Kolbrún E. Jónsdóttir skrifar
Umfangsmikil leit að manninum stendur nú yfir.
Umfangsmikil leit að manninum stendur nú yfir. Gendarmerie nationale

Skipulögð leit stendur nú yfir í suðvestur Frakklandi að fyrrverandi hermanni sem er þungvopnaður og á flótta. Maðurinn skaut að lögreglu á færi áður en að hann flúði. Íbúar eru hvattir til að halda sig innandyra.

Þyrlur, leitarhundar og meira en 200 lögreglumenn taka þátt í leitinni í kring um bæinn Le Lardin-Saint-Lazare í Dordogne héraðinu. Fréttamiðlar á svæðinu greina frá því að maðurinn sé á þrítugsaldir og hafi komið inn á borð lögreglu eftir að hafa beitt heimilisofbeldi. Maðurinn er sagður þungvopnaður.

„Maðurinn fór að heimili fyrrverandi maka síns þar sem ágreiningur átti sér stað. Lögregla var kölluð til og þegar hún kom á vettvang skaut hinn grunaði af skotvopni í átt að lögreglu. Hann flúði inn í skóglendi þar nærri,“ sagði Frédéric Périssat, héraðsstjóri í Dordogne, í samtali við sjónvarpsstöðina BFM.

Hann bætti því við að maðurinn sé líklega á fjögurra ferkílómetra svæði fyrir utan bæinn en svæðið sé erfitt yfirferðar. Það sé skógi vaxið og mikið um holt og hæðir.

Frakkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið