Innlent

Katrín bólusett í dag

Kolbeinn Tumi Daðason skrifar
Katrín Jakobsdóttir forsætisráðherra er á leið í bólusetningu í Laugardalshöll í dag. 
Katrín Jakobsdóttir forsætisráðherra er á leið í bólusetningu í Laugardalshöll í dag.  Vísir/Vilhelm

Katrín Jakobsdóttir forsætisráðherra er meðal þeirra sem fær bólusetningu fyrir Covid-19 í Laugardalshöll í dag. Í þessari viku stendur til að bólusetja tólf þúsund manns á landinu með bóluefni Pfizer.

Um fimm þúsund fá fyrri sprautuna og sjö þúsund þá síðari að því er fram kemur á vef Landlæknis. Katrín segist í samtali við Morgunblaðið ekki hafa ætlað að auglýsa það í fjölmiðlum að hún væri að fara í bólusetningu en að sjálfsögðu mæti hún fyrst hún fái boð.

Sóttvarnalæknir ákvað í síðustu viku að bólusetning gegn Covid-19 yrði hér eftir framkvæmd með tilviljunarkenndum hætti innan hvers forgangshóps í stað þess að boða einstaklinga eftir aldri. Það þýðir að yngra fólk sem tilheyrir ekki forgangs hópi getur átt von á því að vera boðað fyrr í bólusetningu en áður.

Þetta er gert til að ná bólusetningu þvert á aldurshópa og ná þannig fyrr hjarðónæmi í samræmi við niðurstöðu Íslenskrar erfðagreiningar.

Nú hafa um 140 þúsund einstaklingar fengið minnst einn skammt af bóluefni hér á landi. Er það um 48% þeirra sem áætlað er að bólusetja.

Meðal valdhafa sem hafa verið bólusettir má nefna forseta Íslands, fjármálaráðherra og heilbrigðisráðherra. Þá hafa landlæknir og sóttvarnalæknir verið bólusettir. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.