Sport

Spiluðum ekki eins og þetta hafi verið síðasti leikur fyrir úrslitakeppni

Andri Már Eggertsson skrifar
Valur og KR mætast í fyrstu umferð úrslitakeppninnar
Valur og KR mætast í fyrstu umferð úrslitakeppninnar

Valur vann sannfærandi sigur á Grindavík í kvöld 91 - 76. Valur þurfti að vinna leikinn til að fá heimaleik í fyrstu umferð sem þeir gerðu en Jón Arnór Stefánsson var ósáttur með leik Vals.

„Ég er ánægður með sigurinn en ég er mjög ósáttur með leikinn sem slíkan, þeir skoruðu alltof mikið af stigum á okkur í seinni hálfleik." 

„Mér fannst vanta viðbrögð frá liðinu sem pirrar mig mikið sérstaklega þar sem þetta var síðasti leikur fyrir úrslitakeppnina og fórum við aldrei upp á tærnar í leiknum í svona mikilvægum leik eins og þetta var." 

„Ég hef fá svör við þessu, þetta er óþolandi, það er leiðinlegt að spila svona, leiðinlegt að horfa á þetta. Það er miklu skemmtilegra þegar við erum að berjast og leggja allt í leikina," sagði Jón Arnór sem var svekktur með liðið sitt.

Valur mætir nágrönnum sínum KR í fyrstu umferð úrslitakeppninnar og er Jón Arnór mjög spenntur að mæta sínum gömlu félögum.

„Þetta var óska andstæðingur upp á það að gera að við komust upp á tærnar. Hannes S Jónsson er snillingur í markaðsmálum og hann setti þetta svona upp, þetta verður mjög spennandi og skemmtileg sería."

Jón Arnór Stefánsson þekkir lítið annað en að verða Íslandsmeistari þegar hann hefur tekið þátt í deildinni hér heima fyrir og þekkir hann nákvæmlega hvað þarf til að ná því markmiði.

„Við þurfum að byggja ofan á þennan seinni hálfleik, þá læstum við vörninni, tölum saman og spilum saman sem lið. Það er lykil að velgengni okkar Vals," sagði Jón að lokum. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.