Frá athafnasvæði Síldarvinnslunnar í Norðfjarðarhöfn.Vísir/Einar
Kynningarfundur um hlutafjárútboð Síldarvinnslunnar hf. verður haldinn í Silfurbergi í Hörpu í dag klukkan 8:30.
Landsbankinn er umsjónaraðili útboðsins og stendur fyrir kynningunni sem hægt verður að fylgjast með í beinu streymi í spilaranum hér fyrir neðan. Stjórn Síldarvinnslunnar kynnti í febrúar að til stæði að skrá félagið í Kauphöll Íslands og er útboðið liður í því ferli.
Útboðið hefst klukkan 10 á mánudag og lýkur klukkan 16 miðvikudaginn 12. maí. Áætlað er að niðurstöður útboðsins verði tilkynntar föstudaginn 14. maí og að fyrsti viðskiptadagur með hluti Síldarvinnslunnar hf. á Aðalmarkaði Nasdaq Iceland verði 27. maí næstkomandi.
Þrír stærstu núverandi hluthafar sjávarútvegsfyrirtækisins eru Samherji með 44,64% hlut, Kjálkanes með 34,23% og Samvinnufélag útgerðarmanna með 10,97%. Síldarvinnslan er þriðja stærsta útgerðarfyrirtæki landsins á eftir Brim og Samherja.
Síldarvinnslan, eitt eitt stærsta sjávarútvegsfyrirtæki landsins, er verður verðlögð á allt að 99 milljarða króna í komandi hlutafjárútboði félagsins sem fram fer 10. til 12. maí.
Áhugi er meðal heimamanna á Norðfirði að auka hlut sinn á ný í Síldarvinnslunni, stærsta sjávarútvegsfyrirtæki Austfjarða, nú þegar stefnt er að skráningu fyrirtækisins á hlutabréfamarkað.
Stjórn Síldarvinnslunnar hefur ákveðið að hefja undirbúning að skráningu hlutabréfa félagsins á aðalmarkað Nasdaq Iceland og hefur ráðið Fyrirtækjaráðgjöf Landsbankans til að hafa umsjón með verkefninu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
