Starfsmenn Krónunnar í Austurveri í sóttkví eftir smit

Atli Ísleifsson skrifar 19. apríl 2021 10:24

Starfsmaður sem er í hlutastarfi hjá Krónunni í Austurveri hefur greinst með kórónuveiruna. Allir starfsmenn verslunarinnar sem voru í samskiptum við starfsmanninn hafa verið sendir í sóttkví í samráði við sóttvarnarlækni og rakningateymi almannavarna.

Þetta kemur fram í tilkynningu frá Krónunni, en smitið er rakið til þeirra smita sem hafa verið í umræðunni í samfélaginu síðastliðna daga.

„Búið er að sótthreinsa verslunina hátt og lágt. Starfsmenn úr öðrum verslunum Krónunnar koma til með að leysa þá af sem fóru í sóttkví,“ segir í tilkynningunni.

Haft er eftir Ástu S. Fjeldsted, framkvæmdastjóra Krónunnar, að áhersla sé lögð á að fylgja öllum ráðleggingum rakningateymis og að fyllstu varúðar sé gætt.

„Búið er að sótthreinsa verslunina hátt og lágt til að tryggja öryggi starfsmanna og viðskiptavina okkar. Við viljum þakka rakningarteyminu og starfsfólki okkar fyrir snör viðbrögð og gott samstarf, sem og viðskiptavinum fyrir samvinnu á þessum flóknu tímum. Krónan heldur áfram að leggja mikla áherslu á sóttvarnir í verslunum sínum og minnir viðskiptavini á grímuskyldu og að nýta sér handsprittið sem er að finna víða í öllum verslunum okkar,“ segir Ásta.

Faraldur kórónuveiru (COVID-19) Verslun Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.