Erlent

Helen McCrory látin

Sylvía Hall skrifar
Helen McCrory var hvað þekktust fyrir hlutverk sitt í þáttunum Peaky Blinders.
Helen McCrory var hvað þekktust fyrir hlutverk sitt í þáttunum Peaky Blinders. Getty/Stuart C. Wilson

Breska leikkonan Helen McCrory er látin 52 ára að aldri. Frá þessu greindi eiginmaður hennar Damian Lewis á Twitter-síðu sinni í dag. McCrory lést eftir baráttu við krabbamein.

„Ég er miður mín að þurfa að tilkynna það að eftir hetjulega baráttu við krabbamein, þá er hin fallega og magnaða kona Helen McCrory látin,“ skrifar Lewis. McCrory lést á heimili sínu umvafin ástvinum sínum að sögn eiginmanns hennar.

„Hún dó eins og hún lifði. Óttalaus. Guð hvað við elskum hana og við vitum hversu heppin við vorum að hafa fengið hana í líf okkar.“

McCrory var hvað þekktust fyrir hlutverk sitt í þáttunum Peaky Blinders þar sem hún lék Aunt Polly. Þá lék hún einnig í þremur Harry Potter myndum þar sem hún fór með hlutverk Narcissu Malfoy, eiginkonu Lucius Malfoy og móður Draco Malfoy.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.