Innlent

Fjarkennsla út vikuna í MH eftir að kennari smitaðist

Kolbeinn Tumi Daðason og skrifa
Það verður fámennt í skólanum út vikuna.
Það verður fámennt í skólanum út vikuna. Vísir/Vilhelm

Allir nemendur Menntaskólans við Hamrahlíð munu verða í fjarkennslu út vikuna eftir að kennari við skólann greindist smitaður.

Þær upplýsingar fengust á skrifstofu skólans að nokkrir bekkir væru farnir í úrvinnslusóttkví og ákveðið hefði verið að kennt yrði á netinu út vikuna af öryggisráðstöfunum.

Þrír greindust smitaðir með kórónuveiruna í gær og voru allir utan sóttkvíar, þeirra á meðal kennarinn.

Steinn Jóhannsson, rektor skólans, var á fundi og ekki til viðræðu þegar fréttastofa hafði samband. Hann tjáði Ríkisútvarpinu fyrir stundu að kennarinn hafi verið veikur síðan á sunnudag. Próf í gær hafi leitt í ljós jákvætt smit. Kennarinn hitti þrjá nemendahópa á fimmtudag og föstudag og eru þeir komnir í úrvinnslusóttkví.

Ný reglugerð heilbrigðisráðherra er varða tilslakanir innanlands tekur gildi á fimmtudag. Þá má aftur fara í sund og líkamsrækt, stunda íþróttir og skella sér á barinn svo fátt eitt sé nefnt, innan nokkurra takmarkana þó.

Faraldur kórónuveiru (COVID-19) Skóla - og menntamál Framhaldsskólar Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið