Enginn greindist innanlands en einn á landamærum

Atli Ísleifsson skrifar 25. febrúar 2021 10:55

Tíu manns hafa greinst með kórónuveiruna innanlands það sem af er febrúarmánuði. Vísir/Vilhelm

Fjórða daginn í röð greindist enginn með kórónuveiruna innanlands í gær. Einn greindist á landamærum þar sem niðurstöðu mótefnamælingar er beðið.

Þetta kemur fram í uppfærðum tölum á síðunni covid.is. Fimmtán eru nú í einangrun, en voru sextán í gær. Tuttugu eru nú í sóttkví, samanborið við 21 í gær. 906 eru í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 1,4, líkt og í gær. Nýgengi landamærasmita er nú 4,6, líkt og í gær.

12.376 eru nú fullbólusettir hér á landi og er bólusetning hafin hjá 6.699 til viðbótar.

6.049 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 448 einkennasýni hjá sýkla- og veirufræðideild Landspítalans og Íslenskri erfðagreiningu í gær og 151 sýni á landamærunum eða í seinni landamæraskimun.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.