Viðskipti erlent

Önnur lota Wall Street við netverja

Samúel Karl Ólason skrifar
Smáir fjárfestar sem hafa skilið mark sitt eftir á hlutabréfamörkuðum fjárfesta nú í silfri.
Smáir fjárfestar sem hafa skilið mark sitt eftir á hlutabréfamörkuðum fjárfesta nú í silfri. AP/Nicole Pereira

Wall Street undirbýr sig fyrir aðra viku þar sem gífurlegur fjöldi smærri fjárfesta lætur áfram til sín taka á mörkuðum og oft með því markmiði að koma höggi á Wall Street. Aðgerðir netverjar hafa komið harkalega niður á stórum fjárfestingarsjóðum en þeir beina nú sjónum sínum að öðrum hlutabréfum og vörum.

Verð silfurs hefur hækkað hratt í morgun eftir töluverða hækkun í síðustu viku.

Vandræði Wall Street má rekja til hóps smærri fjárfesta á netinu, að mestu Reddit, sem hafa tekið höndum saman gegn fjárfestingarsjóðum sem höfðu reynt að skortselja hlutabréf GameStop, eins og það er kallað.

Það er að taka stöðu gegn fyrirtækjum sem standa höllum fæti og græða á því að þau lækki í verði. Útskýringu á skortsölu má sjá hér á Vísindavefnum.

Netverjarnir fjárfestu eins og óðir væru í GameStop og hefur það keyrt virði hlutabréfa félagsins í óþekktar hæðir.

Það sama hafa þeir gert með hlutabréf AMC Entertainment, sem rekur keðju kvikmyndahúsa í Bandaríkjunum, en þó í mun minna umfangi.

Virði hlutaréfa GameStop hækkaði um fjögur hundruð prósent í síðustu viku. Á árinu hefur virði þeirra hækkað um 1.625 prósent, samkvæmt frétt CNBC. Við lokun markaða á föstudaginn kostaði hlutur í GameStop 325 dali. Í október var virði hlutarins undir tíu dölum.

Fjárfestingasjóðurinn Melvin Capital Management, sem er nokkuð þekktur fyrir að taka sér stöðu gegn fyrirtækjum sem talin eru standa höllum fæti, tapaði 53 prósentum af fjármagni sínu á skortsölu GameStop.

Reuters fréttaveitan segir sjóðinn þó hafa fengið frekara fjármagn síðan þá.

Aðrir sjóðir hafa einnig þurft frekara fjármagn eftir að hafa reynt að skortselja hlutabréf GameStop.

Fyrirtækið Robinhood, sem rekur vinsælt forrit þar sem smærri fjárfestar geta fjárfest í hlutabréfum í símum sínum, hefur meinað notendum sínum að kaupa hlutabréf í GameStop og öðrum félögum, eins og AMC, Blackberry og Nokia, svo eitthvað sé nefnt.

Silfrið sterkt fyrir

Eins og áður segir hafa fjárfestar beint sjónum sínum að silfri. Það hefur hækkað í virði og #silversqueeze er meðal vinsælustu myllumerkja vestanhafs. Samkvæmt frétt CNN spilar þar inn í hjá netverjum að þeir telja sig geta komið höggi á stóra banka með því að hækka virði silfurs.

Netverjar segja banka eins og JPMorgan hafa haldið virði silfurs niðri um langt skeið.

Ólíkt hlutabréfum í GameStop og öðrum félögum sem netverjarnir hafa beint sjónum sínum að, hefur silfur verið í nokkuð sterkri stöðu á mörkuðum að undanförnu. Virði þess hefur ekki verið jafn hátt í nokkur ár.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
2,88
84
1.509.460
LEQ
1,07
3
1.561
EIK
1,02
9
162.021
ORIGO
0,87
6
8.077
MAREL
0,79
42
399.998

Mesta lækkun dagsins


Félag
Br.%
Fjöldi
Velta*
REGINN
-2,53
5
5.773
BRIM
-2,18
11
121.698
REITIR
-1,2
9
30.241
EIM
-1,01
11
119.722
SKEL
-0,94
2
5.998
Velkomin á Vísi. Þessi vefur notar vafrakökur. Sjá nánar.