Innlent

Fjórir greindust innan­lands

Atli Ísleifsson skrifar
Alls hafa tæplega sex þúsund manns nú greinst með kórónuveiruna hér á landi frá upphafi heimsfaraldursins.
Alls hafa tæplega sex þúsund manns nú greinst með kórónuveiruna hér á landi frá upphafi heimsfaraldursins. Vísir/Vilhelm

Fjórir greindust með kórónu­veiruna innan­lands í gær. Tveir þeirra sem greindust voru í sóttkví, en tveir ekki. Fjórir greindust sömuleiðis á landamærum.

Þetta kemur fram í uppfærðum tölum á síðunni covid.is. Alls eru nú nítján á sjúkrahúsi vegna Covid-19 og enginn á gjörgæslu.

Fjórir greindust smitaðir á landamærum í gær – tveir með virkt smit í fyrri skimun og er niðurstöðu mótefnamælingar beðið í tilvikum tveggja.

169 manns eru nú í einangrun, samanborið við 164 í gær. Þá eru 228 í sóttkví í dag, samanborið við 242 í gær. 1.853 eru nú í skimunarsóttkví, en voru 2.037 í gær.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 18,0 líkt og í gær. Nýgengi landamærasmita er nú 28,1, en var 25,9 í gær.

Alls hafa 5.948 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 849 einkennasýni hjá sýkla- og veirufræðideild Landspítalans og Íslenskri erfðagreiningu í gær og 410 sýni á landamærunum eða í seinni landamæraskimun. Þá voru tekin 32 sýni í sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.