Erlent

Spila­víta­eig­andinn Sheldon Adel­son er látinn

Atli Ísleifsson skrifar
Sheldon Adelson var í 28. sæti á lista Forbes yfir auðugustu menn heims í september 2020.
Sheldon Adelson var í 28. sæti á lista Forbes yfir auðugustu menn heims í september 2020. Getty

Bandaríski auðjöfurinn Sheldon G. Adelson, sem rak spilavíti og var lengi einn mest áberandi maðurinn í viðskiptalífinu í Las Vegas, er látinn. Hann varð 87 ára.

Eiginkona Adelson, Miriam Adelson, greinir frá andlátinu í yfirlýsingu. „Vertu sæll, elskan mín, eina og sanna ástin mín. Eftir að hafa þegið og gefið svo mikið af þér áttu skilið að fá þessa hvíld,“ segir hún.

Adelson rak spilavítið Las Vegas Sands og var mikill stuðningsmaður Donalds Trump, fráfarandi Bandaríkjaforseta, og gaf í gegnum árin formúur í kosningasjóði bæði Trumps og annarra frambjóðenda Repúblikana.

Adelson skipaði 28. sætið á lista Forbes yfir auðugustu menn heims í september 2020.

Bandaríkin Andlát Fjárhættuspil

Mest lesið


Fleiri fréttir

Sjá meira


×

Mest lesið