Ekki lengur rafmagnslaust á Vesturlandi

Sunna Kristín Hilmarsdóttir skrifar 4. janúar 2021 06:37

Frá viðgerð Landsnets á Hrútatungulínu 1 í gærkvöldi. Landsnet

Viðgerð vegna bilunar á Hrútatungulínu 1 við tengivirkið á Vatnshömrum lauk um hálf tvö í nótt og rafmagn var komið á allt kerfið skömmu síðar.

Samkvæmt upplýsingum frá Landsneti gekk viðgerðin vel en bilunin olli nokkurra klukkustunda rafmagnsleysi víða á Vesturlandi.

Greint var frá því á Vísi í gærkvöldi að truflun hefði orðið á Vatnshamralínu Landsnets og kom upp spennuhækkun í dreifikerfinu. Rafmagnslaust varð meðal annars í Borgarfirði og á Snæfellsnesi.

Samkvæmt tilkynningum á vef Rarik var rafmagn komið aftur á milli klukkan eitt og tvö í nótt á Vesturlandi en nokkru fyrr í Húnaþingi eða laust fyrir klukkan hálfellefu í gærkvöldi.

Fréttin var uppfærð klukkan 07:33 eftir að tilkynning barst frá Landsneti vegna málsins.

Borgarbyggð

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.