Sprengisandur: Forsætisráðherra og ferðaþjónustan

Tryggvi Páll Tryggvason skrifar 3. janúar 2021 09:30

Kristján Kristjánsson stýrir Sprengisandi sem hefst klukkan 10.

Katrín Jakobsdóttir forsætisráðherra verður fyrsti gesturinn á Sprengisandi árið 2021, eitt og annað til umræðu eins og alltaf við forsætisráðherrann, ekki síst bólusetningar við kórónaveirunni sem enginn virðist vita hvort verði bráðlega eða bara miklu síðar

Hlusta má á beina útsendingu frá þættinum hér að neðan.

Dr. Páll Jakob Líndal mætir til einnig til að ræða sálfræði borgarskipulags og borga, ræða hvernig hægt er að reikna sig með nútíma tækni niður á bestu niðurstöðu við hönnun manngerðs umhverfis.

Jóhannes Þór Skúlason framkvæmdastjóri SAF kemur líka og svarar því hvernig 2020 hafi í raun leikið ferðaþjónustuna, hvað standi eftir sem hægt sé að byggja á þegar heimsbyggðin hættir að hræðast umgengni við sjálfa sig.

Guðrún Johnsen hagfræðingur og Árni Múli Jónasson verða síðustu gestirnir en þau eru í farabroddi við opnun útibús Transparency International á Íslandi. Meðal annars verður rætt um spillingu og birtingarform hennar hér á landi og víðar.

Sprengisandur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.