Ekkert partí í Venesúela

Hollenski plötusnúðurinn Tiesto hefur frestað tónleikum sínum sem áttu að fara fram þann 4. apríl næstkomandi í Metropolitan University, í Karakas, höfuðborg Venesúela.

Ástæðan er sú að miklar óeirðir hafa verið í landinu að undanförnu og sagði Tiesto í samtali við AP-fréttastofuna að nú væri ekki tími til þess að djamma í Venesúela.

Tiesto er einn vinsælasti og tekjuhæsti plötusnúður heims og rukkar samkvæmt lista Forbes hvorki meira né minna en um 28 milljónir króna fyrir þriggja klukkustunda langa tónleika.