Dómur í Exeter málinu í dag

Dómur verður kveðinn upp í Exeter málinu svokallaða í Héraðsdómi Reykjavíkur klukkan ellefu í dag, samkvæmt dagskrá á vef dómsins.

Málið snýst um 1100 milljóna króna lán sem Byr veitti Exeter Holding á seinni hluta ársins 2008. Lánið var notað til þess að kaupa stofnfjárbréf af MP banka og tveimur stjórnarmönnum Byrs á yfirverði.

Fyrrum stjórnarmaður, sparisjóðsstjóri og forstjóri MP banka eru ákærðir fyrir umboðsvik í málinu en þeir neituðu allir sök við þingfestingu málsins og í aðalmeðferð þess.

Exeter málið er fyrsta mál sérstaks saksóknara sem hefur verið ákært í.