Hættu að mótmæla þegar Kristján kom til dyranna með dóttur sína

Hópur mótmælenda fór að heimili Þorgerðar Katrínar Gunnarsdóttur, varaformanns Sjálfstæðisflokksins, og eiginmanns hennar, Kristjáns Arason, í kvöld. Mótmælendur voru með potta og pönnur auk gjallahorns. Samkvæmt heimildum Vísis voru mótmælin skipulögð í gegnum SMS.

Mótmæltu þau um stund fyrir utan heimilið þeirra í Hafnarfirði.

Ekki er ljóst hvers vegna hópurinn fór að heimili varaformannsins en minnst var á þau hjón í skýrslu rannsóknarnefndar vegna skulda Kristjáns eftir störf sín hjá Kaupþingi.

Mótmælendur hættu hinsvegar skyndilega að mótmæla þegar Kristján kom til dyranna með sjö ára dóttur sína. Engin orðaskipti urðu á milli mótmælenda og Kristjáns. Hann lokaði síðan dyrunum.

Í kjölfarið fóru mótmælendur að týnast í burtu samkvæmt einstaklingi sem Vísir ræddi við og var á vettvangi.