Hljómsveitin Deftones kemur fram á Secret Solstice

Alls hafa 37 nýir listamenn bæst við þá tónlistarflóru sem mun taka yfir Laugardalinn 17.-19. júní næstkomandi á Secret Solstice-tónlistarhátíðinni. Meðal þeirra eru nýmetal-rokksveitin Deftones, heimsklassa plötusnúðurinn Jamie Jones, einn af forsprökkum dubstep tónlistarstefnunnar: Skream, hústónlistargúrúinn Richy Ahmed, plötusnúðahópurinn Visionquest og breski raftónlistarmaðurinn Goldie.

„Þetta er bara byrjunin, við munum tilkynna um fleiri bönd í janúar. Við erum að halda áfram að toppa okkur og við lofum stærri hátíð en var í sumar,“ segir Ósk Gunnarsdóttir, kynningarfulltrúi Secret Solstice hátíðarinnar.

Ljóst er að mikill áhugi er á Íslandi fyrir bandarísku sveitinni Deftones ef vafrað er um netheima en hinn sex ára gamli Facebook-hópur ‘’Deftones to Iceland’’ telur rúmlega fimmhundruð manns.

Sveitin hóf göngu sína árið 1988 í Sacramento í Kaliforníuríki í Bandaríkjunum og hefur hvergi slegið slöku við síðan þá. Á meðal frægustu laga hennar eru My Own Summer (Shove It), Hexagram, Change (in the House of Flies), Back To School, Bored og Be Quiet and Drive (Far Away). Hana skipa Chino Moreno söngvari, Stephen Carpenter gítarleikari, Sergio Vega bassaleikari, Abe Cunningham trommuleikari og Frank Delgado plötusnúður- og hljómborðsleikari. 

Ósk segir Secret Solstice hátíðina leggja mikið upp úr fjölbreytni og úrvals tónlistaratriðum og að þannig hafi hún skapað sér sess sem ein fremsta tónlistarhátíð heims. „Með þessu line upp-i erum við að sýna að við ætlum að vera með tónlist fyrir alla,“ bætir Ósk við.

Ljóst er að hvaða tónlistaraðdáandi sem er geti fundið eitthvað við sitt hæfi en hér fyrir neðan má sjá 37 ný nöfn sem hafa staðfest komu sína næsta sumar. Listinn er ekki tæmandi þar sem fleiri tilkynningar eiga eftir að fljóta inn þegar nær dregur sólstöðunum. Að ógleymdum atriðum sem hafa nú þegar verið kynnt til leiks, tónlistarmenn á borð við Of Monsters and Men, Kerri Chandler, Deetron, Droog og Lady Leshurr.

Einnig má taka fram að heiti potturinn í formi Víking bjórglass verður á sínum stað auk þess sem fleiri nýjungar munu bætast við vegna endurröðunar á hátíðarsvæðinu sem gefur skipuleggjendunum enn fleiri tækifæri til tilraunastarfsemi.

Hátíðin tekur líka á móti umsóknum frá öllum þeim íslensku hljómsveitum sem hafa áhuga á að koma fram á Secret Solstice og er hægt að finna nánari upplýsingar um það á heimasíðu hátíðarinnar secretsolstice.is.

Þeir sem eru sérstaklega áhugasamir um hátíðina eru hvattir til þess að fylgja henni á Snapchat undir notendanafninu SecretSolstice þar sem birtar eru fyrstu fréttir af komandi hljómsveitum og nýjungum á hátíðinni áður en þær birtast á öðrum miðlum. 

Listinn yfir þau nöfn sem bæst hafa í hópinn:

Deftones[US]

Jamie Jones [UK]

Skream [UK]

Richy Ahmed [UK]

Goldie [UK]

Visionquest [US]

Edu Imbernon [ES]

Santé [DE]

Darius Syrrosian [UK]

Derrick Carter [US]

Agent Fresco [IS]

Lil Louis [US]

Úlfur Úlfur [IS]

Kúra [IS]

Ylja [IS]

Emmsjé Gauti [IS]

Sidney Charles [DE]

Midland [UK]

wAFF [UK]

Chez Damier [US]

Marshall Jefferson [US]

Soffía Björg [IS]

Shades of Reykjavík [IS]

Exos [IS]

Bensol [IS]

Artwork [UK]

Yamaho [IS]

Þriðja Hæðin [IS]

Vagina Boys [IS]

GKR [IS]

Alvia Islandia [IS]

DJ Kári [IS]

Frímann [IS]

Casanova [IS]

French Toast [UK]

Marc Roberts [UK]

Captain Syrup [IS]