„Mig langaði oft ekki í vinnuna því mér leið svo illa við hliðina á þessum manni“ Aðalsteinn Kjartansson skrifar 15. desember 2015 11:25 Jón Gunnarsson, þingmaður Sjálfstæðisflokks, fór fram á það við upphaf þingfundar í morgun að forsætisnefnd þingsins myndi rannsaka ummæli Birgittu Jónsdóttir, þingkonu Pírata, sem hún birti á Facebook í gærkvöldi. Þar sagðist hún nánast hafa þurft á áfallahjálp að halda vegna dónaskapar hans á meðan hún sat við hliðina á honum á síðasta þingi. Jón sagðist aldrei hafa heyrt af þessu. „Ég kannast sem sagt ekki við þetta sérstaklega, finnst þetta alvarlegt, finnst þetta leitt ef svo er að þingmenn sem eru sessunautar mínir hér á þingi þurfi að leita sér áfallahjálpar eftir slíkt en ég tel fullt tilefni til þess að um þetta verði fjallað í forsætisnefnd og málið skoðað sérstaklega,“ sagði Jón og úr salnum heyrðist Birgitta kalla: „Endilega.“Enginn núlifandi Íslendingur hefur gert eins mikið fyrir land og þjóð og Björk. Einhvern karlangi sem reyndir að gera lí...Posted by Birgitta Jónsdóttir on Monday, December 14, 2015Hámark súrrealismans Katrín Jakobsdóttir, formaður Vinstri grænna, lýsti yfir vonbrigðum sínum með ræðu Jóns. „Ég kem nú aðallega hingað upp til að lýsa furðu því ég taldi víst að háttvirtur þingmaður Jón Gunnarsson ætlaði að koma hérna upp og lýsa iðrun vegna ummæla um Björk Guðmundsdóttur. Ég hélt það satt að segja að hann ætlaði að gera það því hann hefur haft uppi dylgjur að sú ágæta listakona borgi ekki skatta og sé daufleg til augnanna, eins og það var orðað,“ sagði hún.Katrín lýsti yfir vonbrigðum.Vísir/GVA„Og mér fannst það nú ákveðið hámark á súrrealismanum að í stað þess kom háttvirtur þingmaður upp og krafðist afsökunarbeiðni frá Birgittu Jónsdóttur, háttvirtum þingmanni. Ég verð að segja að þar finnst mér nú háttvirtur þingmaður ekki vera að forgangsraða hlutunum rétt og ég verð að segja að ég varð fyrir miklum vonbrigðum með orð hans hér því ég hélt í alvöru að hann hefði séð eftir þessum dylgjum sínum en í staðinn ákveður hann að ráðast hér á háttvirta samþingmenn sína og krefjast afsökunarbeiðni frá þeim fyrir ummæli um sig. Þetta er undarlegt herra forseti.“Enginn vildi skipta Birgitta kom þá sjálf í pontu og ítrekaði ummæli sín um dónaskap og tuddaskap Jóns á síðasta þingi. „Eins og forseta er kunnugt sem og mjög mörgum þingmönnum sem ég talaði við, og meðal annars skrifstofustjóri þingsins líka, þá leið mér mjög illa þegar ég sat við hliðina á Jóni Gunnarssyni og gerði allt sem ég gat til að fá að vera flutt. Mig langaði oft ekki í vinnuna því mér leið svo illa við hliðina á þessum manni svo að það sé sagt og það vita margir,“ sagði hún. „Ég hafði fengið það í gegn hjá skrifstofustjóra alþingis að mætti flytja mig ef ég fyndi einhvern annan sem vildi sitja við hliðina á Jóni Gunnarssyni en ekki einn einasti þingmaður vildi gera svo.“Jón spurði hvort hann mætti ekki svara fólki eins og Björk.Vísir/GVAHljóta að mega svara þessu fólki Jón kom svo aftur í pontu og sagði að Össur Skarphéðinsson hefði kallað inn í ræðuna og sagst hafa viljað sitja við hliðina á sér en hefði ekki verið spurður. Næst svaraði hann Katrínu um ummælin um Björk Guðmundsdóttur og byrjaði á að lesa upp ummælin sem um ræðir en hann spurði í kjölfar viðtals við söngkonuna þar sem hún gagnrýndi ríkisstjórnina harðlega hvort hún borgaði skatta hér á landi og sagði svo að hún væri daufleg til augnanna undir grímunni. „Þetta eru nú hin alvarlegu ummæli og niðrandi ummæli sem ég á að hafa viðhaft um listakonuna Björk Guðmundsdóttur, sem ég ber mikla virðingu fyrir og því starfi sem hún hefur unnið fyrir okkar land á alþjóðavettvangi. En að það megi ekki svara þessu fólki þegar það kýs tala niður til forsætisráðherra og fjármálaráðherra þjóðarinnar með þeim hætti sem hún gerir í þessu viðtali; það hlýtur að vera þannig að við megum svara fyrir okkur gagnvart þessu fólki sem öðrum herra forseti.“Gunnar Bragi frussaði Að lokum kom Birgitta að nýju í pontu og byrjaði að lesa færsluna sem var uppsprettan að umræðunum. Eftir fyrstu línuna þar sem hún sagði að enginn núlifandi Íslendingur hafi gert eins mikið fyrir land og þjóð og Björk stoppaði hún til að spyrja hver hefði frussað og fékk fljótt svar frá Gunnari Braga Sveinssyni utanríkisráðherra sem svaraði einfaldlega „ég“. Gunnar Bragi gekkst fúslega við því að hafa frussað undir orðum Birgittu.Vísir/PjeturBirgitta stöðvaði þá lesturinn til að fá viðbrögð hans skjalfest í gögnum þingsins. „Háttvirtur ráðherra Gunnar Bragi frussaði í vandlætingu þegar ég sagði þetta, við skulum bara halda því til haga,“ sagði hún og hélt svo lestrinum áfram.Önnur ummæli fyrir nefndina Umræðu um fundarstjórn forseta lauk skömmu síðar og þá tók við umræða um störf þingsins. Þar fór Jón fram á aðra rannsókn á ummælum Birgittu í forsætisnefnd, í þetta sinn um ummæli hennar fyrr í sömu umræðu um viðhorf hans gagnvart öldruðum og öryrkjum. „Fyrst vil ég nú nefna það að það sé gjörsamlega ólíðandi þegar að háttvirtir þingmenn hér, eins og háttvirtur þingmaður Birgitta Jónsdóttir, þingmaður Pírata, kom hér í ræðustól áðan og nefndi það sérstaklega að ég hefði haft það á orði að aldraðir og öryrkjar gætu bara farið að vinna. Ég hef aldrei sagt þetta. Þetta er gjörsamlega ólíðandi herra forseti og hlýtur að vera tekið upp í forsætisnefnd,“ sagði hann áður en hann snéri sér að öðru. Í spilaranum efst í fréttinni má hlusta á samanklippta umræðuna úr þinginu í morgun. Fyrstur heyrist Jón Gunnarsson, næst á eftir Katrín Jakobsdóttir, svo Birgitta Jónsdóttir, því næst Jón aftur og að lokum Birgitta í annað sinn. Alþingi Mest lesið Þingmaður úðaði eyrnameðali fyrir hunda í kokið á sér Innlent Tóku á móti tveimur börnum á innan við klukkustund Innlent Kveður Glerártorg eftir sautján ár Innlent Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Fólk veltir fyrir sér hvort Áslaug Arna hafi verið slompuð í ræðustól Innlent „Hafa ekki lyft litla fingri í máli Oscars“ Innlent Dúxinn fjarri góðu gamni Innlent Sást ekki til sólar fyrir mýi Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira
Jón Gunnarsson, þingmaður Sjálfstæðisflokks, fór fram á það við upphaf þingfundar í morgun að forsætisnefnd þingsins myndi rannsaka ummæli Birgittu Jónsdóttir, þingkonu Pírata, sem hún birti á Facebook í gærkvöldi. Þar sagðist hún nánast hafa þurft á áfallahjálp að halda vegna dónaskapar hans á meðan hún sat við hliðina á honum á síðasta þingi. Jón sagðist aldrei hafa heyrt af þessu. „Ég kannast sem sagt ekki við þetta sérstaklega, finnst þetta alvarlegt, finnst þetta leitt ef svo er að þingmenn sem eru sessunautar mínir hér á þingi þurfi að leita sér áfallahjálpar eftir slíkt en ég tel fullt tilefni til þess að um þetta verði fjallað í forsætisnefnd og málið skoðað sérstaklega,“ sagði Jón og úr salnum heyrðist Birgitta kalla: „Endilega.“Enginn núlifandi Íslendingur hefur gert eins mikið fyrir land og þjóð og Björk. Einhvern karlangi sem reyndir að gera lí...Posted by Birgitta Jónsdóttir on Monday, December 14, 2015Hámark súrrealismans Katrín Jakobsdóttir, formaður Vinstri grænna, lýsti yfir vonbrigðum sínum með ræðu Jóns. „Ég kem nú aðallega hingað upp til að lýsa furðu því ég taldi víst að háttvirtur þingmaður Jón Gunnarsson ætlaði að koma hérna upp og lýsa iðrun vegna ummæla um Björk Guðmundsdóttur. Ég hélt það satt að segja að hann ætlaði að gera það því hann hefur haft uppi dylgjur að sú ágæta listakona borgi ekki skatta og sé daufleg til augnanna, eins og það var orðað,“ sagði hún.Katrín lýsti yfir vonbrigðum.Vísir/GVA„Og mér fannst það nú ákveðið hámark á súrrealismanum að í stað þess kom háttvirtur þingmaður upp og krafðist afsökunarbeiðni frá Birgittu Jónsdóttur, háttvirtum þingmanni. Ég verð að segja að þar finnst mér nú háttvirtur þingmaður ekki vera að forgangsraða hlutunum rétt og ég verð að segja að ég varð fyrir miklum vonbrigðum með orð hans hér því ég hélt í alvöru að hann hefði séð eftir þessum dylgjum sínum en í staðinn ákveður hann að ráðast hér á háttvirta samþingmenn sína og krefjast afsökunarbeiðni frá þeim fyrir ummæli um sig. Þetta er undarlegt herra forseti.“Enginn vildi skipta Birgitta kom þá sjálf í pontu og ítrekaði ummæli sín um dónaskap og tuddaskap Jóns á síðasta þingi. „Eins og forseta er kunnugt sem og mjög mörgum þingmönnum sem ég talaði við, og meðal annars skrifstofustjóri þingsins líka, þá leið mér mjög illa þegar ég sat við hliðina á Jóni Gunnarssyni og gerði allt sem ég gat til að fá að vera flutt. Mig langaði oft ekki í vinnuna því mér leið svo illa við hliðina á þessum manni svo að það sé sagt og það vita margir,“ sagði hún. „Ég hafði fengið það í gegn hjá skrifstofustjóra alþingis að mætti flytja mig ef ég fyndi einhvern annan sem vildi sitja við hliðina á Jóni Gunnarssyni en ekki einn einasti þingmaður vildi gera svo.“Jón spurði hvort hann mætti ekki svara fólki eins og Björk.Vísir/GVAHljóta að mega svara þessu fólki Jón kom svo aftur í pontu og sagði að Össur Skarphéðinsson hefði kallað inn í ræðuna og sagst hafa viljað sitja við hliðina á sér en hefði ekki verið spurður. Næst svaraði hann Katrínu um ummælin um Björk Guðmundsdóttur og byrjaði á að lesa upp ummælin sem um ræðir en hann spurði í kjölfar viðtals við söngkonuna þar sem hún gagnrýndi ríkisstjórnina harðlega hvort hún borgaði skatta hér á landi og sagði svo að hún væri daufleg til augnanna undir grímunni. „Þetta eru nú hin alvarlegu ummæli og niðrandi ummæli sem ég á að hafa viðhaft um listakonuna Björk Guðmundsdóttur, sem ég ber mikla virðingu fyrir og því starfi sem hún hefur unnið fyrir okkar land á alþjóðavettvangi. En að það megi ekki svara þessu fólki þegar það kýs tala niður til forsætisráðherra og fjármálaráðherra þjóðarinnar með þeim hætti sem hún gerir í þessu viðtali; það hlýtur að vera þannig að við megum svara fyrir okkur gagnvart þessu fólki sem öðrum herra forseti.“Gunnar Bragi frussaði Að lokum kom Birgitta að nýju í pontu og byrjaði að lesa færsluna sem var uppsprettan að umræðunum. Eftir fyrstu línuna þar sem hún sagði að enginn núlifandi Íslendingur hafi gert eins mikið fyrir land og þjóð og Björk stoppaði hún til að spyrja hver hefði frussað og fékk fljótt svar frá Gunnari Braga Sveinssyni utanríkisráðherra sem svaraði einfaldlega „ég“. Gunnar Bragi gekkst fúslega við því að hafa frussað undir orðum Birgittu.Vísir/PjeturBirgitta stöðvaði þá lesturinn til að fá viðbrögð hans skjalfest í gögnum þingsins. „Háttvirtur ráðherra Gunnar Bragi frussaði í vandlætingu þegar ég sagði þetta, við skulum bara halda því til haga,“ sagði hún og hélt svo lestrinum áfram.Önnur ummæli fyrir nefndina Umræðu um fundarstjórn forseta lauk skömmu síðar og þá tók við umræða um störf þingsins. Þar fór Jón fram á aðra rannsókn á ummælum Birgittu í forsætisnefnd, í þetta sinn um ummæli hennar fyrr í sömu umræðu um viðhorf hans gagnvart öldruðum og öryrkjum. „Fyrst vil ég nú nefna það að það sé gjörsamlega ólíðandi þegar að háttvirtir þingmenn hér, eins og háttvirtur þingmaður Birgitta Jónsdóttir, þingmaður Pírata, kom hér í ræðustól áðan og nefndi það sérstaklega að ég hefði haft það á orði að aldraðir og öryrkjar gætu bara farið að vinna. Ég hef aldrei sagt þetta. Þetta er gjörsamlega ólíðandi herra forseti og hlýtur að vera tekið upp í forsætisnefnd,“ sagði hann áður en hann snéri sér að öðru. Í spilaranum efst í fréttinni má hlusta á samanklippta umræðuna úr þinginu í morgun. Fyrstur heyrist Jón Gunnarsson, næst á eftir Katrín Jakobsdóttir, svo Birgitta Jónsdóttir, því næst Jón aftur og að lokum Birgitta í annað sinn.
Alþingi Mest lesið Þingmaður úðaði eyrnameðali fyrir hunda í kokið á sér Innlent Tóku á móti tveimur börnum á innan við klukkustund Innlent Kveður Glerártorg eftir sautján ár Innlent Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Fólk veltir fyrir sér hvort Áslaug Arna hafi verið slompuð í ræðustól Innlent „Hafa ekki lyft litla fingri í máli Oscars“ Innlent Dúxinn fjarri góðu gamni Innlent Sást ekki til sólar fyrir mýi Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira