Verjandi segir Lárusi hafa gengið gott eitt til Stígur Helgason skrifar 10. desember 2012 15:13 Lárus Wedling og Óttar Pálsson fyrir rétti. Ekkert vitni í Vafningsmálinu hefur borið um að Lárus Welding og Guðmundur Hjaltason hafi haft nokkuð með það að gera að lána Milestone tíu milljarða föstudaginn 8. febrúar 2008. Því er útilokað að telja sannað að þeir hafi gerst sekir um umboðssvik með þeirri lánveitingu. Þetta sagði Óttar Pálsson, verjandi Lárusar, í tveggja og hálfrar klukkustundar ræðu sinni í Héraðsdómi Reykjavíkur sem hann lauk fyrir stundu. Deilt er um hver tók ákvörðun um það, síðdegis umræddan föstudag, að breyta svokallaðri ádráttarbeiðni á þann veg að lánið rynni ekki til félagsins Vafnings heldur til Milestone. Ljóst þykir að það hafi verið gert á bilinu 14.50 til 15.03 þennan föstudag og Óttar sagði í ræðu sinni að engar vísbendingar væru um nærveru sakborninganna í bankanum á þessu þrettán mínútna bili. Óttar ýjaði að því að Halldór Halldórsson, viðskiptastjóri Milestone innan bankans, hafi alfarið borið ábyrgð á því að breyta skjalinu á síðustu stundu. Halldór hefur viðurkennt að hafa handskrifað breytingarnar inn á skjalið. Óttar vakti athygli á minnisleysi Halldór fyrir dóminum - hann hefði ekkert munað annað en að hann hefði ekki sjálfur tekið þessa ákvörðun upp á sitt einsdæmi.Fræðileg fjártjónshætta „Vissulega er það svo að öllum lánveitingum fylgir ákveðin fjártjónshætta," sagði Óttar, en áréttaði að lánið hefði verið veitt í þágu Glitnis, enda séu flestir sammála því að það hefði haft slæmar afleiðingar fyrir Glitni ef Þáttur Internetional hefði ekki getað staðið í skilum með lánið til Morgan Stanley sem Milestone-lánið átti að greiða upp. „Glitnir varð ekki fyrir fjártjóni vegna lánveitingar til Milestone umrætt sinn. Um það verður ekkert þrætt," sagði Óttar. Lánið hafi verið greitt upp strax næsta virka dag eftir að það var veitt með nýju lánsfé til Vafnings. Fjártjónshættan af láninu sem ákært er fyrir hafi einungis verið fræðileg en ekki raunveruleg. „Það verður ekki horft fram hjá fjártjónshættunni af því að lána ekki," bætti hann svo við. „Hvatir umbjóðanda míns voru virðingarverðar - honum gekk gott eitt til," sagði Óttar undir lok ræðu sinnar. Hann sagði að ef svo ólíklega vildi til að til refsingar kæmi ætti að skilorðsbinda hana.Ólíkt Exeter-málinu Saksóknari vísaði í ræðu sinni í morgun til Exeter-máls sérstaks saksóknara, þar sem Jón Þorsteinn Jónsson og Ragnar Z. Guðjónsson voru dæmdir í fjögurra og hálfs árs fangelsi fyrir eins milljarðs umboðssvik. Óttar sagði þessi mál hins vegar alls kostar ósambærileg. Exeter-málið hefði verið skýrt dæmi um umboðssvik þar sem ásetningurinn hafi verið mjög einbeittur. Það eigi ekki við um Vafningsmálið, og benti hann á því til stuðnings að Lárus hafi ekki átt nokkurra persónulegra hagsmuna að gæta með lánveitingu af því tagi sem fjallað er um í ákærunni, hvorki beinna né óbeinna.Gagnrýnir rannsóknina harðlega Rannsókn málsins sætti harðri gagnrýni í ræðu Óttars. Hann tiltók tíu atriði sem hann taldi til annmarka á rannsókninni. Mörg þeirra sneru að aðalrannsakendum þess, Jóni Óttari Ólafssyni og Guðmundi Hauki Guðjónssyni, sem sæta nú rannsókn ríkissaksóknara, grunaðir um að hafa selt þrotabúi Milestone trúnaðarupplýsingar sem þeir öfluðu sér í starfi sínu hjá sérstökum saksóknara. Þetta taldi Óttar valda bersýnilegu vanhæfi rannsakendanna, enda hafi þeir haft beina fjárhagslega hagsmuni af því að ákæra yrði gefin út í málinu. Hann fór einnig yfir það að hvaða leyti hann teldi skorta á rannsókn málsins, sem hann telur ekki meira en hálfklárað verk. Hann nefndi til dæmis að tíu vitni saksóknara hafi í fyrsta sinn gefið skýrslu um málið fyrir dómi við aðalmeðferð málsins í síðustu viku. Þau vitni hafi getað veitt mjög mikilvægar upplýsingar og ótrúlegt væri að þau hefðu ekki verið kölluð til skýrslugjafar á fyrri stigum. Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Sjá meira
Ekkert vitni í Vafningsmálinu hefur borið um að Lárus Welding og Guðmundur Hjaltason hafi haft nokkuð með það að gera að lána Milestone tíu milljarða föstudaginn 8. febrúar 2008. Því er útilokað að telja sannað að þeir hafi gerst sekir um umboðssvik með þeirri lánveitingu. Þetta sagði Óttar Pálsson, verjandi Lárusar, í tveggja og hálfrar klukkustundar ræðu sinni í Héraðsdómi Reykjavíkur sem hann lauk fyrir stundu. Deilt er um hver tók ákvörðun um það, síðdegis umræddan föstudag, að breyta svokallaðri ádráttarbeiðni á þann veg að lánið rynni ekki til félagsins Vafnings heldur til Milestone. Ljóst þykir að það hafi verið gert á bilinu 14.50 til 15.03 þennan föstudag og Óttar sagði í ræðu sinni að engar vísbendingar væru um nærveru sakborninganna í bankanum á þessu þrettán mínútna bili. Óttar ýjaði að því að Halldór Halldórsson, viðskiptastjóri Milestone innan bankans, hafi alfarið borið ábyrgð á því að breyta skjalinu á síðustu stundu. Halldór hefur viðurkennt að hafa handskrifað breytingarnar inn á skjalið. Óttar vakti athygli á minnisleysi Halldór fyrir dóminum - hann hefði ekkert munað annað en að hann hefði ekki sjálfur tekið þessa ákvörðun upp á sitt einsdæmi.Fræðileg fjártjónshætta „Vissulega er það svo að öllum lánveitingum fylgir ákveðin fjártjónshætta," sagði Óttar, en áréttaði að lánið hefði verið veitt í þágu Glitnis, enda séu flestir sammála því að það hefði haft slæmar afleiðingar fyrir Glitni ef Þáttur Internetional hefði ekki getað staðið í skilum með lánið til Morgan Stanley sem Milestone-lánið átti að greiða upp. „Glitnir varð ekki fyrir fjártjóni vegna lánveitingar til Milestone umrætt sinn. Um það verður ekkert þrætt," sagði Óttar. Lánið hafi verið greitt upp strax næsta virka dag eftir að það var veitt með nýju lánsfé til Vafnings. Fjártjónshættan af láninu sem ákært er fyrir hafi einungis verið fræðileg en ekki raunveruleg. „Það verður ekki horft fram hjá fjártjónshættunni af því að lána ekki," bætti hann svo við. „Hvatir umbjóðanda míns voru virðingarverðar - honum gekk gott eitt til," sagði Óttar undir lok ræðu sinnar. Hann sagði að ef svo ólíklega vildi til að til refsingar kæmi ætti að skilorðsbinda hana.Ólíkt Exeter-málinu Saksóknari vísaði í ræðu sinni í morgun til Exeter-máls sérstaks saksóknara, þar sem Jón Þorsteinn Jónsson og Ragnar Z. Guðjónsson voru dæmdir í fjögurra og hálfs árs fangelsi fyrir eins milljarðs umboðssvik. Óttar sagði þessi mál hins vegar alls kostar ósambærileg. Exeter-málið hefði verið skýrt dæmi um umboðssvik þar sem ásetningurinn hafi verið mjög einbeittur. Það eigi ekki við um Vafningsmálið, og benti hann á því til stuðnings að Lárus hafi ekki átt nokkurra persónulegra hagsmuna að gæta með lánveitingu af því tagi sem fjallað er um í ákærunni, hvorki beinna né óbeinna.Gagnrýnir rannsóknina harðlega Rannsókn málsins sætti harðri gagnrýni í ræðu Óttars. Hann tiltók tíu atriði sem hann taldi til annmarka á rannsókninni. Mörg þeirra sneru að aðalrannsakendum þess, Jóni Óttari Ólafssyni og Guðmundi Hauki Guðjónssyni, sem sæta nú rannsókn ríkissaksóknara, grunaðir um að hafa selt þrotabúi Milestone trúnaðarupplýsingar sem þeir öfluðu sér í starfi sínu hjá sérstökum saksóknara. Þetta taldi Óttar valda bersýnilegu vanhæfi rannsakendanna, enda hafi þeir haft beina fjárhagslega hagsmuni af því að ákæra yrði gefin út í málinu. Hann fór einnig yfir það að hvaða leyti hann teldi skorta á rannsókn málsins, sem hann telur ekki meira en hálfklárað verk. Hann nefndi til dæmis að tíu vitni saksóknara hafi í fyrsta sinn gefið skýrslu um málið fyrir dómi við aðalmeðferð málsins í síðustu viku. Þau vitni hafi getað veitt mjög mikilvægar upplýsingar og ótrúlegt væri að þau hefðu ekki verið kölluð til skýrslugjafar á fyrri stigum.
Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Sjá meira