Erlent

Hrottalegt fjöldamorð í Mósambík

Þórgnýr Einar Albertsson skrifar
Frá Mapútó, höfuðborg Mósambík. Myndin tengist efni fréttarinnar ekki með beinum hætti.
Frá Mapútó, höfuðborg Mósambík. Myndin tengist efni fréttarinnar ekki með beinum hætti. EPA/RICARDO FRANCO

Öfgamenn myrtu að minnsta kosti 52 almenna borgara í norðurhluta Mósambík. Lögreglan á svæðinu sagði frá þessu í dag. 

Árásin átti sér stað í Cabo Delgado-fylki en hryðjuverkasamtök hliðholl Íslamska ríkinu hafa átt í átökum við stjórnvöld á svæðinu frá árinu 2017. Hundruð hafa farist og þúsundir misst heimili sín.

Neituðu að hjálpa

Engin samtök hafa lýst yfir ábyrgð á árásinni enn sem komið er. Samkvæmt lögreglu átti atvikið sér stað í þorpinu Xitaxi þann 7. apríl en það rataði ekki inn á borð lögreglu fyrr en seint í gærkvöldi.

„Upp á síðkastið hafa þessir óþokkar reynt að fá ungt fólk til liðs við sig. En hér höfðu ungmennin streist á móti. Það reiddi glæpamennina til reiði og þeir myrtu 52 ungmenni,“ höfðu staðarmiðlar eftir Orlando Mudumane, upplýsingafulltrúa lögreglu.

Mósambík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið