Innlent

Fleiri en 1.100 manns nú smitaðir og einn bætist við á gjörgæslu

Kjartan Kjartansson skrifar
Skimun fyrir kórónaveirunni hjá Heilsugæslunni Höfða. Myndin er úr safni.
Skimun fyrir kórónaveirunni hjá Heilsugæslunni Höfða. Myndin er úr safni. Vísir/Vilhelm

Staðfest smit nýs afbrigðis kórónuveiru sem veldur COVID-19-sjúkdómnum eru nú alls 1.135 hér á landi. Þeim hefur fjölgað um 49 frá því að síðustu tölur birtust á covid.is klukkan eitt í gær.

Á síðunni kemur einnig fram að þrjátíu manns hafi verið lagðir inn á sjúkrahús vegna faraldursins, þar af tíu á gjörgæslu, einum fleira en í gær. Alls eru nú 8.879 manns í sóttkví og 960 í einangrun. Þá hafa 6.214 manns lokið sóttkví. Sýni hafa verið tekin úr 17.904.

Klukkan tvö verður, líkt og síðustu daga, haldinn upplýsingafundur almannavarna, landlæknis og sóttvarnalæknis þar sem farið verður yfir stöðu þeirra mála sem tengjast faraldri kórónuveirunnar og aðgerðum til þess að sporna við útbreiðslu.

Víðir Reynisson yfirlögregluþjónn, Alma D. Möller landlæknir og Þórólfur Guðnason, sóttvarnalæknir, munu fara yfir stöðu mála með tilliti til COVID-19 hér á landi. Páll Matthíasson, forstjóri Landspítalans, verður einnig á fundinum og þá mun Hulda Hjartardóttir, yfirlæknir fæðingaþjónustu á kvenna- og barnasviði spítalans, vera gestur fundarins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.