Körfubolti

Sögðust ætla að lemja LeBron ef hann stigi fæti á fótboltavöll

Runólfur Trausti Þórhallsson skrifar
LeBron er illviðráðanlegur á körfuboltavellinum, hann var það einnig á fótboltavellinum forðum daga.
LeBron er illviðráðanlegur á körfuboltavellinum, hann var það einnig á fótboltavellinum forðum daga. Chris Elise/NBAE/Getty Images

LeBron James, einn þekktasti íþróttamaður aldarinnar, er sem stendur leikmaður Los Angeles Lakers í NBA-deildinni. Þrátt fyrir að vera orðinn 35 ára gamall er hann við hestaheilsu og er enn að slá met. Það á sínu 17 ári í deildinni.

Á sínum tíma var James þó einnig mjög frambærilegur í því sem Bandaríkjamenn kalla fótbolta. Hvort LeBron hafi verið nægilega öflugur til að geta farið alla leið í NFL-deildina verður ósagt látið en hann var samt sem áður talinn efnilegasti leikmaður Ohio-fylkis á sínum tíma. 

Hann rifjar þetta upp á Instagram í dag en hann greip knöttinn, ef knött skyldi kalla, 60 sinnum ásamt því að hlaupa 1200 yarda (1097 metra) og skora 16 snertimörk. Ekki amagaleg tölfræði það.

Var honum meðal annars líkt við Randy Moss, hávaxnari og hægari útgáfu.

Lebron segir jafnframtað hann hefði viljað spila á síðasta ári sínu í gagnfræðiskóla en vinir hans í körfuboltaliðinu hafi einfaldlega ekki leyft honum það. Þeir hafi í gríni hótað að lemja hann ef hann gerðist svo djarfur að stinga niður fæti á fótboltavelli skólans.

Vinir hans þurftu sem betur fer aldrei að standa við stóru orðin og fór það svo að LeBron ákvað að leggja körfubolta alfarið fyrir sig. Sú ákvörðun hefur heldur betur reynst honum vel en hann var aðeins 18 ára gamall þegar hann skráði sig í nýliðaval NBA-deildarinnar. Síðan þá hefur hann átt 17 ára farsælan feril í deildinni sem og með bandaríska landsliðinu.

James hefur leikið með Cleveland Cavaliers, Miami Heat og Los Angeles Lakers á ferli sínum. Hann varð meistari með Miami tvívegis sem og hann skilaði fyrsta titli Cleveland-borgar í 52 ár þegar Cavs áttu eina ótrúlegustu endurkomu íþróttasögunnar árið 2016. Liðið var þá 3-1 undir í leikjum gegn Golden State Warriors en unnu næstu þrjá leiki og þar með úrslitaeinvígið 4-3. 

Þá hefur rifið Lakers aftur upp í hæstu hæðir en félagið er sem stendur besta lið Vesturstrandarinnar.  

NBA-deildin er þó, líkt og flest allar deildir víðsvegar um heim, á pásu vegna útbreiðslu kórónuveirunnar og óvíst hvenær hún getur hafist á ný.

View this post on Instagram

My homie @mister1223 just sent this to me from his son. His son said I didn t know Bron was #1 prospect in Ohio?? He said Yeah Bron was nice in football too. His son response THATS CRAZY! . 60 reception, 1200 yards and 16 touchdowns my Junior year at WR. .Men Lie, Women Lie, Numbers Don t. Didn t even play my senior year(I wanted to so BADLY) because my boys @siancotton_ @druondemand @chillwill03 @rometrav @brandonweems10 @frankiewalkersr wouldn t let me. They said if I tried to step on a football field my senior year they would jump(kick my a**) me every day of practice until I had enough! Think I made a smart decision! Ha! Anyways you LB/CB/S can thank my homies I stayed over in the hoops lane or would have been plenty of highlights Moss d on y all. #ThekidfromAKRON #JamesGang

A post shared by LeBron James (@kingjames) on


Tengdar fréttir

LeBron vill vera hluti af Lakers það sem eftir er

LeBron James, einn merkasti íþróttamaður samtímans, svarar spurningum stuðningsmanna á meðan NBA-deildin er í pásu. Með hvaða liði myndi hann aldrei spila, uppáhalds knattspyrnumaður og fleira.

Durant með kórónuveiruna

Kevin Durant er smitaður af kórónuveirunni. Þetta staðfesti NBA-stjarnan við Shams Charania, blaðamann The Athletic.

Leikmenn tjá sig um ástandið

Kórónuveirufaraldurinn sem hefur geysað um heiminn undanfarinn mánuð hefur heldur betur sett mark sitt á íþróttalíf í heiminum. Öllum vinsælustu íþróttadeildum heims hefur verið frestað í það minnsta fram í byrjun apríl.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.