Viðskipti innlent

Bein útsending: Önnur stýrivaxtalækkunin á einni viku

Stefán Ó. Jónsson skrifar
Seðlabanki Íslands, þar sem fundurinn fer fram.
Seðlabanki Íslands, þar sem fundurinn fer fram.

Seðlabanki Íslands verður með beina útsendingu úr húsakynnum sínum klukkan 10 þar sem stýrivaxtalækkun morgunsins verður til umræðu. Peningastefnunefnd bankans ákvað í morgun að lækka vextina enn frekar; um aðrar 0,5 prósentur eftir sambærilega lækkun í síðustu viku. Meginvextir bankans, vextir á sjö daga bundnum innlánum, verða því 1,75 prósent.

Kynningin verður í höndum Ásgeirs Jónssonar seðlabankastjóra, Þórarins G. Péturssonar, framkvæmdastjóra sviðs hagfræði og peningastefnu og Hauks C. Benediktssonar, framkvæmdastjóra fjármálastöðugleikasviðs.

Samhliða stýrivaxtalækkuninni ákvað fjármálastöðugleikanefnd bankans að aflétta 2 prósent kröfu um sveiflujöfnunarauka á fjármálafyrirtæki, sem verður þá 0 prósent. Í liðinni viku var jafnframt tekin ákvörðun um að að lækka meðaltalsbindiskyldu innlánsstofnana úr 1 prósenti niður í 0.

Vefútsendingu seðlabankans má sjá hér að neðan og rökstuðninginn fyrir stýrivaxtalækkun morgunsins má nálgast með því að smella hér. Útsendingin hefst sem fyrr segir klukkan 10.

Efnahagsmál Seðlabankinn Íslenska krónan


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið