Svona tækla nokkrir grunnskólar samkomubannið Stefán Árni Pálsson skrifar 16. mars 2020 13:58 Nemendur í Melaskóla eru á meðal þeirra sem upplifa skerta skóladaga á næstunni. Vísir/Vilhelm Starfsdagur er á leik- og grunnskólum víða um land í dag, fyrsta degi í samkomubanni. Skólastjórnendur og kennarar ráða ráðum sínum og reyna að skipuleggja skólastarf miðað við tilmæli almannavarnadeildar ríkislögreglustjóra. Aðstæður eru ólíkar í skólum bæði hvað varðar fjölda nemenda, húsakost og fleira í þeim dúrnum. Sums staðar falla niður einstaka skóladagar, þeir eru í styttra lagi víða, lokað er á milli húsa og eininga og fleira í þeim dúrnum. Til að gefa dæmi um fyrirkomulag í skólum vegna samkomubannsins má sjá að neðan fyrirkomulagið í Melaskóla í Vesturbænum í Reykjavík, Skarðshlíðarskóla í Hafnarfirði og Laugalækjarskóla í Laugardalnum. Melaskóli á tímum kórónuveirunnar Kennt verður á morgnana, öllum bekkjum og með allt að 20 í bekk. Stefnt er að því að kenna þriðjudag til föstudags í þessari viku. En bara fjóra daga í næstu viku og fella niður kennslu föstudaginn 27. mars. Lokað verður á milli húsanna og ekki samgangur á milli. Hluti starfsmanna mun bara starfa í öðru húsinu, hinn hlutinn í hinu. Séð verður til þess að bekkirnir (með allt að 20 nemendum) blandist ekki, rekist ekki á og deili aldrei rýmum, göngum eða svæðum á skólalóð. Mötuneytinu verður lokað. Nemendur komi með nesti, eins og venjulega. List- og verkgreinakennsla (íþróttir eru hluti af henni) fellur niður eða verður alla vega ekki í viðkomandi kennslustofum. Nemendur verða ekki saman í frímínútum nema innan árgangs og þá á skilgreindum svæðum. Hver bekkur sér. Það verða því ekki venjulegar frímínútur heldur skipulögð útivera með kennara. Yngstu fjórir árgangarnir mæta á kortersfresti frá 8:30 á morgnana og fara inn um ólíka innganga. Elstu þrír árgangarnir mæta á tíu mínútna fresti frá 8:30. Nemendur fara allir beint inn í sína skólastofu en bíða ekki í röð. Kenndar eru fjórar kennlustundar. 1. bekkur fer heim eða í frístund klukkan 11:30 og svo hver árangur þar á eftir með tíu mínútna millibili. Í elstu árgöngunum fara allir heim fyrir klukkan tólf en á mismunandi tímum. Skarðhlíðarskóli á tímum kórónuveirunnar Allir nemendur mæta á hverjum degi en í stuttan tíma í einu. Ekki verður boðið upp á hafragraut á þessu tímabili. Nemendur í 1.-4. bekk fá kennslu frá kl. 11.30-13.20 hjá umsjónarkennara sínum. Í upphafi fái nemendur hádegisverð í stofu þar sem þeir snæða og deila ekki mat (20 mín.). Eftir kennslu eru nemendur áfram í stofunni þar sem starfsemi frístundaheimilis tekur við - fyrir þá nemendur sem þar eru skráðir nú þegar. Frístundaheimilinu lokar kl. 15 en þá fara nemendur heim og er hleypt sér út í hverri stofu þannig að hópar hittast ekki í skólahúsnæðinu. Þegar nemendur á yngsta stigi mæta á morgnana koma þeir inn fyrir neðan hús. 1. og 3. bekkur ganga beint inn í sína kennslustofu utan frá en 2. og 4. fara inn um anddyrið. Ekki verður opnað fyrr en á þeim tíma sem nemendur eiga að mæta. Nemendur á yngsta stigi fá heimanám með sér heim á hverjum degi og er miðað við klukkutíma á dag. Hluti af því námi kemur frá íþróttakennurum. Nemendur í 5.-8. bekk fái kennslu í klukkustund (8.15-9.15 og 9.45-10.45) hjá umsjónarkennara sínum, hverjum hópi með fleiri en 20 nemendum er skipt upp í minni hópa. Umsjónarkennarar senda ykkur upplýsingar um á hvoru tímabilinu barnið ykkar á að mæta. Þar sem um skerta kennslu er að ræða munu nemendur þurfa að vinna heima á hverjum degi. Miðað er við 2 klukkutíma hjá miðstigi en 3 hjá unglingastigi, hluti af því námi kemur frá íþróttakennurum. Nemendur eiga að koma inn í skólann fyrir ofan hús því búið er að loka milli hæða. Nemendur á mið og unglingastigi fá ávöxt þegar þeir fara heim. Foreldrar eru beðnir um að koma ekki inn í skólabygginguna meðan á samkomubanni stendur. Laugalækjarskóli á tímum kórónuveirunnar Laugalækjarskóli er fyrir nemendur í 7. til 10. bekk. Hver bekkur er í stofu umsjónarkennara. Nemendur ganga beint inn í stofu um leið og þeir mæta. Þeir fara aðeins bráðnauðsynlegar ferðir úr stofu sinni. Hverjum nemenda er úthlutað borði og situr einn. Nemendur mæta daglega en skóladagurinn er skertur. Engar frímínútur en nauðsynlegar pásur í sætum. Nemendum er heimilt að nýta eigin snjalltæki í skólanum á meðan neyðaráætlun er virk, einnig heyrnartól. Snjalltæki eru eitt ölfugasta verkfærið í sjálfsnámi en mikilvægt er að aðeins einn nemandi snerti hvert tæki. Hreina á þau reglulega. Nemendur fá einhvern mat á hverjum degi en hvattir til að taka nesti með sér sem borðað verður í kennslustofum. List- og verkgrienar verða ekki kenndar en íþróttakennarar fara á milli stofa og kenna æfingar með borði og stól. Fjórir bekkir eru í hverjum árgangi í Laugalækjarskóla. Stundatafla fyrir þriðjudag og miðvikudag hljómar þannig að nemendur eru allir í skólanum í tvær klukkustundir. Helmingur bekkja mætir á bilinu 8:30 til 8:45, á fimm mínútna fresti, og eru í skólanum til 10:30 til 10:45. Hinn helmingurinn mætir á bilinu 11 til 11:15 og fer heim á bilinu 13 til 13:15. Skóla - og menntamál Almannavarnir Faraldur kórónuveiru (COVID-19) Samkomubann á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Líkir Katrínu við „stalínista“ og skýtur á Vilhjálm Birgisson Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Sindri Freyr er látinn Innlent Íbúar varaðir við rusl- og skítabelgjum frá Norður-Kóreu Erlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Undir yfirborði kosningabaráttunnar kraumi svæsinn slagur Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira
Starfsdagur er á leik- og grunnskólum víða um land í dag, fyrsta degi í samkomubanni. Skólastjórnendur og kennarar ráða ráðum sínum og reyna að skipuleggja skólastarf miðað við tilmæli almannavarnadeildar ríkislögreglustjóra. Aðstæður eru ólíkar í skólum bæði hvað varðar fjölda nemenda, húsakost og fleira í þeim dúrnum. Sums staðar falla niður einstaka skóladagar, þeir eru í styttra lagi víða, lokað er á milli húsa og eininga og fleira í þeim dúrnum. Til að gefa dæmi um fyrirkomulag í skólum vegna samkomubannsins má sjá að neðan fyrirkomulagið í Melaskóla í Vesturbænum í Reykjavík, Skarðshlíðarskóla í Hafnarfirði og Laugalækjarskóla í Laugardalnum. Melaskóli á tímum kórónuveirunnar Kennt verður á morgnana, öllum bekkjum og með allt að 20 í bekk. Stefnt er að því að kenna þriðjudag til föstudags í þessari viku. En bara fjóra daga í næstu viku og fella niður kennslu föstudaginn 27. mars. Lokað verður á milli húsanna og ekki samgangur á milli. Hluti starfsmanna mun bara starfa í öðru húsinu, hinn hlutinn í hinu. Séð verður til þess að bekkirnir (með allt að 20 nemendum) blandist ekki, rekist ekki á og deili aldrei rýmum, göngum eða svæðum á skólalóð. Mötuneytinu verður lokað. Nemendur komi með nesti, eins og venjulega. List- og verkgreinakennsla (íþróttir eru hluti af henni) fellur niður eða verður alla vega ekki í viðkomandi kennslustofum. Nemendur verða ekki saman í frímínútum nema innan árgangs og þá á skilgreindum svæðum. Hver bekkur sér. Það verða því ekki venjulegar frímínútur heldur skipulögð útivera með kennara. Yngstu fjórir árgangarnir mæta á kortersfresti frá 8:30 á morgnana og fara inn um ólíka innganga. Elstu þrír árgangarnir mæta á tíu mínútna fresti frá 8:30. Nemendur fara allir beint inn í sína skólastofu en bíða ekki í röð. Kenndar eru fjórar kennlustundar. 1. bekkur fer heim eða í frístund klukkan 11:30 og svo hver árangur þar á eftir með tíu mínútna millibili. Í elstu árgöngunum fara allir heim fyrir klukkan tólf en á mismunandi tímum. Skarðhlíðarskóli á tímum kórónuveirunnar Allir nemendur mæta á hverjum degi en í stuttan tíma í einu. Ekki verður boðið upp á hafragraut á þessu tímabili. Nemendur í 1.-4. bekk fá kennslu frá kl. 11.30-13.20 hjá umsjónarkennara sínum. Í upphafi fái nemendur hádegisverð í stofu þar sem þeir snæða og deila ekki mat (20 mín.). Eftir kennslu eru nemendur áfram í stofunni þar sem starfsemi frístundaheimilis tekur við - fyrir þá nemendur sem þar eru skráðir nú þegar. Frístundaheimilinu lokar kl. 15 en þá fara nemendur heim og er hleypt sér út í hverri stofu þannig að hópar hittast ekki í skólahúsnæðinu. Þegar nemendur á yngsta stigi mæta á morgnana koma þeir inn fyrir neðan hús. 1. og 3. bekkur ganga beint inn í sína kennslustofu utan frá en 2. og 4. fara inn um anddyrið. Ekki verður opnað fyrr en á þeim tíma sem nemendur eiga að mæta. Nemendur á yngsta stigi fá heimanám með sér heim á hverjum degi og er miðað við klukkutíma á dag. Hluti af því námi kemur frá íþróttakennurum. Nemendur í 5.-8. bekk fái kennslu í klukkustund (8.15-9.15 og 9.45-10.45) hjá umsjónarkennara sínum, hverjum hópi með fleiri en 20 nemendum er skipt upp í minni hópa. Umsjónarkennarar senda ykkur upplýsingar um á hvoru tímabilinu barnið ykkar á að mæta. Þar sem um skerta kennslu er að ræða munu nemendur þurfa að vinna heima á hverjum degi. Miðað er við 2 klukkutíma hjá miðstigi en 3 hjá unglingastigi, hluti af því námi kemur frá íþróttakennurum. Nemendur eiga að koma inn í skólann fyrir ofan hús því búið er að loka milli hæða. Nemendur á mið og unglingastigi fá ávöxt þegar þeir fara heim. Foreldrar eru beðnir um að koma ekki inn í skólabygginguna meðan á samkomubanni stendur. Laugalækjarskóli á tímum kórónuveirunnar Laugalækjarskóli er fyrir nemendur í 7. til 10. bekk. Hver bekkur er í stofu umsjónarkennara. Nemendur ganga beint inn í stofu um leið og þeir mæta. Þeir fara aðeins bráðnauðsynlegar ferðir úr stofu sinni. Hverjum nemenda er úthlutað borði og situr einn. Nemendur mæta daglega en skóladagurinn er skertur. Engar frímínútur en nauðsynlegar pásur í sætum. Nemendum er heimilt að nýta eigin snjalltæki í skólanum á meðan neyðaráætlun er virk, einnig heyrnartól. Snjalltæki eru eitt ölfugasta verkfærið í sjálfsnámi en mikilvægt er að aðeins einn nemandi snerti hvert tæki. Hreina á þau reglulega. Nemendur fá einhvern mat á hverjum degi en hvattir til að taka nesti með sér sem borðað verður í kennslustofum. List- og verkgrienar verða ekki kenndar en íþróttakennarar fara á milli stofa og kenna æfingar með borði og stól. Fjórir bekkir eru í hverjum árgangi í Laugalækjarskóla. Stundatafla fyrir þriðjudag og miðvikudag hljómar þannig að nemendur eru allir í skólanum í tvær klukkustundir. Helmingur bekkja mætir á bilinu 8:30 til 8:45, á fimm mínútna fresti, og eru í skólanum til 10:30 til 10:45. Hinn helmingurinn mætir á bilinu 11 til 11:15 og fer heim á bilinu 13 til 13:15.
Skóla - og menntamál Almannavarnir Faraldur kórónuveiru (COVID-19) Samkomubann á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Líkir Katrínu við „stalínista“ og skýtur á Vilhjálm Birgisson Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Sindri Freyr er látinn Innlent Íbúar varaðir við rusl- og skítabelgjum frá Norður-Kóreu Erlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Undir yfirborði kosningabaráttunnar kraumi svæsinn slagur Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira