Mótor bátsins var of stór og mennirnir ekki í björgunarvestum Árni Sæberg skrifar 28. maí 2024 14:13 Mikill viðbúnaður var við Njarðvíkurhöfn. Aðsend Rannsóknarnefnd samgönguslysa telur aðalorsök sjóslyss utan við Njarðvík síðasta sumar hafa verið of stór og öflugur utanborðsmótor á bátnum. Karlmaður á sjötugsaldri lést í slysinu en félagi hans komst lífs af. Alvarlegt sjóslys varð þann 22. júlí í fyrra þegar tveir menn enduðu í sjónum út undan Njarðvíkurhöfn. Annar þeirra var úrskurðaður látinn við komu á Landspítalann í Fossvogi. Báturinn sökk og fannst daginn eftir Í atvikalýsingu í skýrslu Rannsóknarnefndar samgönguslysa segir að klukkan 19:41 hafi Vaktstöð siglinga borist tilkynning um tvo menn í sjónum um það bil 400 metra utan við Njarðvík. Þeir hafi verið á sundi. Hæsta viðbragð hafi þegar verið virkjað og björgunarbáturinn Njörður lagt af stað úr Grófinni í Keflavík klukkan 20:03. Klukkan 20:09 hafi áhöfn Njarðar komið að mönnunum, náð um borð og hafið þegar endurlífgun en þeir hafi þá báðir verið meðvitundarlausir. Annar hafi komist til meðvitundar en endurlífgun á hinum hafi verið haldið áfram meðan siglt var til Njarðvíkurhafnar þar sem þyrla Landhelgisgæslunnar TF-GNÁ beið. Hinum meðvitundarlausa hafi verið flogið á bráðamóttöku Landspítalans í Fossvogi á meðan endurlífgun var haldið áfram. Hann hafi verið úrskurðaður látinn á sjúkrahúsinu. Báturinn hafi sokkið til botns og hans leitað af björgunarbátnum Stefni 7747 frá Björgunarsveitinni í Kópavogi, sérsveit Ríkislögreglustjóra og rannsakendum RNSA. Vonin KE 10 frá köfunarþjónustu Sigurðar hafi verið notuð en um borð í henni sé neðansjávardróni af gerðinni Chasing M2 pro. Báturinn hafi fundist undir morgun þann 23. júlí og fluttur til rannsóknar hjá RNSA. Óskoðunarskyldur bátur en mikilvægt að fylgja leiðbeiningum Í skýrslunni segir að við skoðun á bátnum, sem hafi verið af gerðinni Flipper 515 HT, hafi komið í ljós að á honum væri 90 hestafla utanborðsmótor af gerðinni Mercury. Bátar af gerðinni Flipper 515 HT, sem ekki séu skoðunarskyldir, séu að hámarki gerðir fyrir 70 hestafla utanborðsmótora en 90 hestafla Mercury mótor sé um 60 kílóum þyngri en 70 hestafla. Þegar báturinn var hífður af hafsbotni hafi mótorinn verið í uppréttri stöðu, sem hafi líklegast orsakast af rafmagnssamslætti í handfangi bátsins. Báturinn hafi verið búinn að missa allt rafmagn en þegar hann var tengdur við rafmagn af rannsakendum hafi komið í ljós samsláttur sem lyfti mótornum. Stjórntæki bátsins hafi verið stjórnborðsmegin. Sætunum í bátnum hafi verið hægt að snúa aftur og sætið bakborðsmegin hafi snúið aftur en hitt snúið um það bil 90 gráður þegar báturinn var hífður af hafsbotni. Það sé í samræmi við frásögn þess sem komst lífs af. Eldsneytisgjöfin hafi verið í botni. Örin bendir á eldsneytisgjöf bátsins.RNSA Nokkur björgunarvesti um borð Í skýrslunni segir að um borð í bátnum hafi verið nokkur björgunarvesti og einn björgunarbúningur. Sá sem komst lífs af hafi verið klæddur gallabuxum, í stuttermabol og vinnuskyrtu þar utanyfir. Hann hafi einni verið í flíspeysu og úlpu. Hann hafi verið í Dunlop gúmmístígvélum. Hinn látni, sem var stjórnandi bátsins, hafi verið klæddur Jobman-buxum og bol innundir neoprene vöðlum. Hann hafi að auki verið klæddur Kinetic-vöðlujakka. Samkvæmt frásögn eftirlifandi bátsverja hafi stjórnandi bátsins ætlað að færa hann til þegar báturinn fór á botnkeyrslu, stefnið lyftist upp og afturendinn tók inn á sig sjó. Við það hafi stjórnandi bátsins henst fyrir borð en hinn fallið frá borði stuttu síðar. Báturinn hafi sokkið með skutinn á undan. Mennirnir hafi á þeim tíma báðir verið með meðvitund og geta kallast á en ekki greint orðaskil. Fólk í landi hafi orðið vart við mennina í sjónum og gert neyðarlínu viðvart. Út frá sjónarhorni sjónarvotta hafi verið hægt að áætla líklegasta staðinn þar sem báturinn sökk. Áfengi hafi mælst í blóði þess sem komst lífs af en í hinum látna hafi óverulegt magn áfengis greinst. Í niðurstöðukafla RNSA segir að nefndin telji að meginorsök þess að báturinn sökk hafi verið að utanborðsmótor bátsins var aflmeiri og þyngri en ráðleggingar framleiðanda bátsins mæltu fyrir um. Nefndin vekji athygli á mikilvægi þess að ávallt séu notuð björgunarvesti þegar siglt er á opnum bátum. Samgönguslys Landhelgisgæslan Reykjanesbær Lögreglumál Björgunarsveitir Mest lesið Bandaríkin beittu neitunarvaldinu gegn kröfu um vopnahlé Erlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent Grunaður um að fara inn á heimili fjölskyldu og brjóta þar á barni Innlent „Hver ætlar að fylgjast með því að hann komi ekki til baka?“ Innlent Hundruð milljóna vanti: „Þetta er hreint misrétti“ Innlent Ók á vegavinnumann og flúði vettvang Innlent Kimmel tekinn af dagskrá: Donald Trump grafi undan lýðræðinu Innlent Biðla til fólks að taka vel á móti sölumönnum þó svikahrappar séu á ferð Innlent Vítamínmarkaðurinn á Íslandi eins og villta vestrið Innlent Fleiri fréttir Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Sjá meira
Alvarlegt sjóslys varð þann 22. júlí í fyrra þegar tveir menn enduðu í sjónum út undan Njarðvíkurhöfn. Annar þeirra var úrskurðaður látinn við komu á Landspítalann í Fossvogi. Báturinn sökk og fannst daginn eftir Í atvikalýsingu í skýrslu Rannsóknarnefndar samgönguslysa segir að klukkan 19:41 hafi Vaktstöð siglinga borist tilkynning um tvo menn í sjónum um það bil 400 metra utan við Njarðvík. Þeir hafi verið á sundi. Hæsta viðbragð hafi þegar verið virkjað og björgunarbáturinn Njörður lagt af stað úr Grófinni í Keflavík klukkan 20:03. Klukkan 20:09 hafi áhöfn Njarðar komið að mönnunum, náð um borð og hafið þegar endurlífgun en þeir hafi þá báðir verið meðvitundarlausir. Annar hafi komist til meðvitundar en endurlífgun á hinum hafi verið haldið áfram meðan siglt var til Njarðvíkurhafnar þar sem þyrla Landhelgisgæslunnar TF-GNÁ beið. Hinum meðvitundarlausa hafi verið flogið á bráðamóttöku Landspítalans í Fossvogi á meðan endurlífgun var haldið áfram. Hann hafi verið úrskurðaður látinn á sjúkrahúsinu. Báturinn hafi sokkið til botns og hans leitað af björgunarbátnum Stefni 7747 frá Björgunarsveitinni í Kópavogi, sérsveit Ríkislögreglustjóra og rannsakendum RNSA. Vonin KE 10 frá köfunarþjónustu Sigurðar hafi verið notuð en um borð í henni sé neðansjávardróni af gerðinni Chasing M2 pro. Báturinn hafi fundist undir morgun þann 23. júlí og fluttur til rannsóknar hjá RNSA. Óskoðunarskyldur bátur en mikilvægt að fylgja leiðbeiningum Í skýrslunni segir að við skoðun á bátnum, sem hafi verið af gerðinni Flipper 515 HT, hafi komið í ljós að á honum væri 90 hestafla utanborðsmótor af gerðinni Mercury. Bátar af gerðinni Flipper 515 HT, sem ekki séu skoðunarskyldir, séu að hámarki gerðir fyrir 70 hestafla utanborðsmótora en 90 hestafla Mercury mótor sé um 60 kílóum þyngri en 70 hestafla. Þegar báturinn var hífður af hafsbotni hafi mótorinn verið í uppréttri stöðu, sem hafi líklegast orsakast af rafmagnssamslætti í handfangi bátsins. Báturinn hafi verið búinn að missa allt rafmagn en þegar hann var tengdur við rafmagn af rannsakendum hafi komið í ljós samsláttur sem lyfti mótornum. Stjórntæki bátsins hafi verið stjórnborðsmegin. Sætunum í bátnum hafi verið hægt að snúa aftur og sætið bakborðsmegin hafi snúið aftur en hitt snúið um það bil 90 gráður þegar báturinn var hífður af hafsbotni. Það sé í samræmi við frásögn þess sem komst lífs af. Eldsneytisgjöfin hafi verið í botni. Örin bendir á eldsneytisgjöf bátsins.RNSA Nokkur björgunarvesti um borð Í skýrslunni segir að um borð í bátnum hafi verið nokkur björgunarvesti og einn björgunarbúningur. Sá sem komst lífs af hafi verið klæddur gallabuxum, í stuttermabol og vinnuskyrtu þar utanyfir. Hann hafi einni verið í flíspeysu og úlpu. Hann hafi verið í Dunlop gúmmístígvélum. Hinn látni, sem var stjórnandi bátsins, hafi verið klæddur Jobman-buxum og bol innundir neoprene vöðlum. Hann hafi að auki verið klæddur Kinetic-vöðlujakka. Samkvæmt frásögn eftirlifandi bátsverja hafi stjórnandi bátsins ætlað að færa hann til þegar báturinn fór á botnkeyrslu, stefnið lyftist upp og afturendinn tók inn á sig sjó. Við það hafi stjórnandi bátsins henst fyrir borð en hinn fallið frá borði stuttu síðar. Báturinn hafi sokkið með skutinn á undan. Mennirnir hafi á þeim tíma báðir verið með meðvitund og geta kallast á en ekki greint orðaskil. Fólk í landi hafi orðið vart við mennina í sjónum og gert neyðarlínu viðvart. Út frá sjónarhorni sjónarvotta hafi verið hægt að áætla líklegasta staðinn þar sem báturinn sökk. Áfengi hafi mælst í blóði þess sem komst lífs af en í hinum látna hafi óverulegt magn áfengis greinst. Í niðurstöðukafla RNSA segir að nefndin telji að meginorsök þess að báturinn sökk hafi verið að utanborðsmótor bátsins var aflmeiri og þyngri en ráðleggingar framleiðanda bátsins mæltu fyrir um. Nefndin vekji athygli á mikilvægi þess að ávallt séu notuð björgunarvesti þegar siglt er á opnum bátum.
Samgönguslys Landhelgisgæslan Reykjanesbær Lögreglumál Björgunarsveitir Mest lesið Bandaríkin beittu neitunarvaldinu gegn kröfu um vopnahlé Erlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent Grunaður um að fara inn á heimili fjölskyldu og brjóta þar á barni Innlent „Hver ætlar að fylgjast með því að hann komi ekki til baka?“ Innlent Hundruð milljóna vanti: „Þetta er hreint misrétti“ Innlent Ók á vegavinnumann og flúði vettvang Innlent Kimmel tekinn af dagskrá: Donald Trump grafi undan lýðræðinu Innlent Biðla til fólks að taka vel á móti sölumönnum þó svikahrappar séu á ferð Innlent Vítamínmarkaðurinn á Íslandi eins og villta vestrið Innlent Fleiri fréttir Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Sjá meira