Erlent

Skjálfti 6,3 að stærð í Króatíu

Atli Ísleifsson skrifar
Mikil eyðilegging blasir við í borginni Petrinji.
Mikil eyðilegging blasir við í borginni Petrinji. Rauði krossinn í Króatíu

Jarðskjálfti 6,3 að stærð varð í Króatíu, um 46 kílómetrum suðaustur af höfuðborginni Zagreb um hádegisbil í dag.

Skjálftinn varð klukkan 11:19 að staðartíma, eða 10:19 að íslenskum tíma, og bjarga hafi þurft fólki úr rústum bygginga. Þá hafa fjölmargar byggingar ýmist skemmst eða eyðilagst.

Þetta er annar stóri skjálftinn í landinu á tveimur dögum, en í gærmorgun varð skjálfti 5,2 að stærð á svipuðum slóðum.

Rauði krossinn í Króatíu segir að ástandið sé „mjög alvarlegt“ í Petrinja eftir skjálftann í dag. 

Fréttir hafa borist af því að skjálftans hafi orðið vart í Serbíu og Bosníu og Hersegóvínu. Þá hafa forsvarsmenn kjarnorkuvers í Slóveníu ákveðið að slökkva tímabundið á ofnunum í varúðarskyni varna skjálftanna.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×