Innlent

Þrettán greindust innanlands í gær

Sylvía Hall skrifar
BE3A7152
Vísir/Vilhelm

Þrettán greindust með kórónuveiruna innanlands í gær og voru átta í sóttkví við greiningu. Fimm voru utan sóttkvíar. Öll greindust í einkennasýnatöku.

Þetta kemur fram í uppfærðum tölum á covid.is.

Sex greindust með virkt smit á landamærunum í gær og fimm með mótefni. Sjö bíða niðurstöðu mótefnamælingar.

404 eru nú í sóttkví samanborið við 358 í gær og fer þeim því fjölgandi á milli daga.

Nýgengi innanlandssmita, fjöldi smitaðra á hverja 100 þúsund íbúa undanfarnar tvær vikur, er nú 28,9, og hækkar frá því í gær, en þá var það 26,5.

Alls hafa 5.642 greinst með kórónuveiruna hér á landi frá því faraldurinn hófst í lok febrúar. Þá hafa 28 dauðsföll verið rakin til Covid-19 á Íslandi frá upphafi faraldursins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×